Abýbakırova Roza Makkanbaıqyzy
1997 jyly 29-qańtarda qazirgi Túrkistan oblysy, Kentaý qalasynyń «Eńbekshi Dıhan» eldimekeninde dúnıege kelgen. Manash Qozybaev atyndaǵy Soltústik Qazaqstan Memlekettik Ýnıversıtetiniń qazaq tili men ádebıeti mamandyǵynyń 3-kýrs stýdenti. 8-synyptan bastap ulttyq mektepter arasynda ótken mektepishilik, aýdandyq, qalalyq, oblystyq, respýblıkalyq músháıra – baıqaýlarǵa qatysyp júldeli oryndar alǵan.
Paıǵambarlar sultany Muhammed (s.ǵ.s.)!
Sen týǵanda búkil álem nurlanǵan,
«Úmbetim» dep tániń, janyń qorlanǵan.
Jer jahanda sendeı tulǵa bolmaǵan,
Paıǵambarlar sultany, ıa, Rasýl Akram!
Bar tirshilik tamsanǵan kelbetine,
Iman nuryn taratty jer betine.
Qııamette shapaǵatshy úmbetine,
Paıǵambarlar sultany, ıa, Rasýl Akram!
Ámın, Syddyq bolǵansyń jastaıyńnan,
Imansyzdar qoryqqan aqyl oıyńnan.
Kórkem hulqyń tabylsa ǵoı óń boıymnan,
Paıǵambarlar sultany, ıa, Rasýl Akram!
Jetim menen jesirge qorǵan bolǵan,
Pák júregi hıdaıat nurǵa tolǵan.
Elshi bop Alladan jetkizdiń Quran,
Paıǵambarlar sultany, ıa, Rasýl Akram!
Sharapatynan taý-tasqa til bitti.
«Úmbetim, úmbetim» deýmen ótti.
Qoshtasarda úmbetin qımaı ketti,
Paıǵambarlar sultany, ıa, Rasýl Akram!
Ótip jatyr ózińsiz mynaý jalǵan,
Úmbetteriń ózińsiz júdep qalǵan.
Arman bar ma aldymnan shyǵa qalsań,
Paıǵambarlar sultany, ıa, Rasýl Akram!
Táýbem tamshy, kúnálárim darııa,
Aqıdamdy jurtqa ettim jarııa.
Bir ózińe teń kelmes myń qarııa,
Paıǵambarlar sultany, ıa, Rasýl Akram!
Men ózińdeı adal bolǵym keledi,
Hadıshadaı ana bolǵym keledi.
Rabbym Alla bálkim násip etedi,
Paıǵambarlar sultany, ıa, Rasýl Akram!
Saǵan degen mahabbatpen ólsem deımin,
Súnnetińdi súıgen jandy súısem deımin.
Tym qurysa túsimde kórsem deımin,
Paıǵambarlar sultany, ıa, Rasýl Akram!
Mekke hám Madınaǵa barsam deımin,
Sezimimdi dastan qyp jazsam deımin.
Júregińnen bir oryn alsam deımin,
Paıǵambarlar sultany, ıa, Rasýl Akram!
Allanyń razylyǵyn alsam deımin,
Eń súıikti úmbetiń bolsam deımin.
Qııamette qasyńda tursam deımin,
Paıǵambarlar sultany, ıa, Rasýl Akram...