ALA JIPTI ATTAMA - AR NAMYSTY TAPTAMA! (Támsil)

16 qazan 2023 2181 0
Оqý rejımi

Qarap otyrsań qazaǵymnyń qaı yrymynan da tamasha támsil kórýge bolady.  Babalarymyz balanyń sábı kezinde aıaǵyna ala jip baılap, tusaýyn kesedi. Jurtqa belgili, abyroıly, kópti kórip, kóp jasaǵan qarııalarǵa sert qylyp:

«ALA JIPTI ATTAMA - AR NAMYSTY TAPTAMA!» dep, bata jasap, tusaýyn kestirgen.

Kezinde Baraq sultan Ábilhaıyr handy ań aýlap júrgen kezinde ońashada qastandyq jasap, óltirgen.

Ábilhaıyr hannyń jaqyn týystary men jaqtastary Baraq sultandy ustap ákelip, qazaqy kıiz úıge qamap, esikke ala arqan jipti kóldeneń baılap qoıypty. Erteńine sol elge elshilikpen kelip jatqan orys pen qytaıdyń adamdary ataqty sultandy óz kózderimen kóreıin dep, jańaǵy ol otyrǵan kıiz úıge kelse, Baraq sultannyń tórde jastyqqa súıenip, shyntaqtap jatqanyn kóredi .Sonda olar bul jatysyna tań qalyp:

«Esigi ashyq úıden nege qashyp ketpeısiz!» - dep suraǵanda,  Baraq sultan:

«Qalaı qashyp ketemin, esikte ala jip kóldeneń baılaýly tursa, al men ala jipti attap, ar namysty taptap, sertti buzyp qashyp ketetin, jamanyń men emespin?!», -dep qasqaıa jaýap beripti...

Mine, kórdiń be , bul bizdiń bala kezimizdegi salt dástúrimiz boıynsha aıaq tusaýymyz ala jippen kesilgen ant sertimiz!

Qazaǵymnyń shynaıy namysy men ulylyǵy osydan aq kórinip tur !

 

 

 

Pіkіrler Kіrý