ÁLEM JÁNE BIZ
Ertede bir patsha alyp saraı saldyryp, ishin túgeldeı aınamen kómkeripti. Qabyrǵalary da, tóbesi de, edeni de túgel aına. Bir kúni sol saraıǵa bir ıt júgirip kirip ketedi. Aınalasyna qarasa, ózine uqsas sansyz kóp ıt. Barlyq jerde ıtter!
Saq ıt bolǵandyqtan, ol qaýiptenip, aınalasyndaǵy «ıtterge» qarsy tisin aqsıtyp, óz-ózin qorǵaýǵa daıyndalady. Sol sátte aınaladaǵy ıtter de tisin aqsıtyp, oǵan qarap yryldaı bastaıdy. Ol yryldasa — olar da yryldaıdy. It qatty qorqyp, ózin qaýip ústinde sezindi de, bar daýsymen úrip qoıa berdi. Neǵurlym qatty úrgen saıyn, aınalasyndaǵy «ıtter» de soǵurlym qatty úrdi.
Tańerteń saraı kúzetshileri álgi ıtti óli kúıinde tabady. Al shyndyǵynda, saraıda jalǵyz ózi ǵana bolǵan, onyń qarsylasy joq edi. Ol tek óz beınesinen qorqyp, óz-ózimen kúresti. Solaısha, aınalasyndaǵy mıllıondaǵan aınadaǵy óz beınelerimen arpalysyp júrip mert boldy.
Eger sizdiń ishińizde eshqandaı kedergi bolmasa — syrtta da esh kedergi bolmaıdy. Eshteńe sizdiń jolyńyzǵa tura almaıdy. Bul — zańdylyq.
Álem - bul jaı ǵana aına.
Murat RAQYMJAN
