ALLA TAǴALA MYNA ADAMDARDY JAQSY KÓRMEIDI

Tipti bizdi Allanyń razylyǵyn alýǵa ıtermeleıtin ıgi yntamyz ben úmitimiz bola tura, bizdiń maqsatymyzdan alystatar sıpattarymyz bar. Igi amaldar jasaýmen baılanysty osy sıpattar bizdiń júrekterimizdi qaraıtyp, ımanymyzdy álsiretedi. Ózimizdi osy tuńǵıyqtardan qalaı qorǵaýǵa bolady? Aldymen Quranda keltirilgen solardyń birnesheýimen tanysaıyq:

1.Jáne olarǵa: «Allaǵa ári Paıǵambarǵa boı usynyńdar» de. Eger olar bet bursa, sonda Alla QARSY BOLÝShYLARDY  súımeıdi» (3:32)

2. «Ózderińmen soǵysqandarmen Alla jolynda soǵysyńdar da shekten shyqpańdar. Negizinen Alla Taǵala ShEKTEN ShYǴÝShYLARDY  jaqsy kórmeıdi» (2: 190)

3. «Olar jer júzinde buzyqtyqqa tyrysady. Alla BUZAQYLARDY jaqsy kórmeıdi» (5:64)

4. «Bir jamandyqtyń jazasy ózindeı ǵana jamandyq. Sonda kim keshirim etip, jarassa; onda onyń syılyǵy Allaǵa tán. Kúdiksiz Ol, ZALYMDARDY  jaqsy kórmeıdi»  (42:40)

5. «Alla Taǵalaǵa qulshylyq qylyńdar. Oǵan esh nárseni ortaq qospańdar. Jáne áke-sheshege, jaqyndarǵa, jetimderge, miskinderge, jaqyn kórshige, bógde kórshige, jan joldasqa, jolda qalǵandarǵa jáne qol astyndaǵylarǵa jaqsylyq qylyńdar. Negizinen Alla, TÁKAPPAR, MAQTANShAQTY  jaqsy kórmeıdi» (4:36)

6. «Ózderine kesir istegender úshin sóz talastyrma. Óıtkeni; Alla, QARALYQShYL KÚNÁKARDY jaqsy kórmeıdi» (4:107)

7. Alla Taǵala JAMAN SÓZDIŃ JARIIaLANYP SÓILENÝIN  jaqsy kórmeıdi. Biraq zulymdyqqa ushyraǵan bireýdiki basqa. Alla ár nárseni estıdi, biledi» (4:148)

8. «Áı, adam balalary! Árbir qulshylyq ornynda zeınetterińdi alyńdar (kıinińder). Jáne jeńder, ishińder de ysyrap etpeńder. Kúdiksiz Alla YSYRAP ETÝShILERDI súımeıdi» (7:31)

9. «Ras Qarun, Musanyń (a.s)  elinen edi de, olarǵa qarsy keldi. Sondaı-aq, oǵan kiltterin kúshti bir top áreń kóteretin qazynalar bergen edik. Sonda oǵan halqy: “Elirme! Rasynda Alla, ELIRGENDERDIjaqsy kórmeıdi” dedi» (28:76)