AQYRETIN UMYTQANDAR AQYRETTE UMYTYLYDY

Alla Taǵala adamzat balasyna, Allany taný, bilý jáne Oǵan qulshylyq etý mindetterin júktegen. Alla tarapynan jaýapkershilikterimiz ben mindetterimizdi eske salý úshin jiberilgen paıǵambarlar men kitaptarǵa qulaq túrip, ómirimizdiń aǵysyn sol elshilerdiń  salǵan sara jolyna salar bolsaq, ári osy bes kúndik jalǵan dúnıede ári máńgilik mekenimiz aqyrette  baqytty bolamyz. Al budan bas tartar bolsaq, ertkeń orny tolmaıtyn qasiret pen qaıǵyǵa dýshar bolamyz.

Bes kúndik jalǵan dúnıeniń qyzyǵy men oıynyna  boı aldyryp, dinı máselelerdi shetke sıyryp tastap, negizgi mindetterin sanasyna toqyp, aqyret pen Alla aldyndaǵy esebin umytqandar erteń Allanyń quzyryna shyqqanda meıirimnen maqurym  qalyp  umyt bolary  sózsiz.

Qasıetti kitabymyzda, nápsiniń qalaýlaryna boı aldyryp, adamı qasıetterinen alshaqtaǵan,  aqıqat pen shyndyqty kórý qabiletinen aıyrylǵyn  adamdar,  ómirdi  tek osy dúnıemen ǵana shektep (Jasııa, 45/23,14),  qaıta tiriletin jáne  esepke tartylatyn kúndi umytqandardyń jazasy retinde olar da tozaqta umyt bolyp qala bermek degen (Jasııa, 45/34).

Men ólsem de ólemin jónimmenen,
Tánnen basqa nemdi alar ólim menen?!
Ólgen kúni aparyp tyǵary – gór,
Men joq bolam kómilip tánimmenen.
Tán kómiler, kómilmes etkem isim,
Oılaıtyndar men emes bir kúngisin.
Jurt uqpasa uqpasyn jabyqpaımyn,
El búginshil, meniki erteń úshin. (Ahmet Baıtursynuly)