ÁRBIR ÁKEGE AMANAT SÓZ
Áke men balanyń arasyn jaqyndatatyn nárse — birge qyzyǵý, birge ýaıymdaý, birge syrlasý.
Mundaǵy mándi sóz — «birge». Bul jaı ǵana aqyl aıtý emes, balamen teń otyryp, júrekpen bólisý degen sóz: óz ýaıymyńdy aıtý, balanyń muńyn tyńdaý; onyń oıynyna aralasyp, balasha qýaný (fýtbol oınasa — birge tebý); sóılep qana qoımaı, sózin uǵyp tyńdaý.
Ákelik degen — tek buıryq emes:
«otyr, tur, bar, kel, iste, isteme» dep tizgin tartý ǵana emes.
Balasyn tek ámirmen ósirgen áke — erteń óz betimen oılaı almaıtyn, aıtqandy ǵana oryndaıtyn jandy tárbıeleıdi. Mundaı tárbıe túbi — minezi álsiz, qoǵamy áljýaz urpaqqa aparady. Al álsiz qoǵamnan bereke shyqpaıdy.
Balańdy jyly sózge, jaqsy qarym-qatynasqa zárý etip ósirme.
Ony el ishinde jasqanshaq, óz pikirin aıta almaıtyn kúıge túsirme.
Árdaıym balańa sóz ber.
Kóńilinde ne bar — aıtsyn, oıymen bólissin, senimmen sóılessin.
Keıde aqyl sura, tipti onyń aıtqanyn oryndamasań da.
Sonda bala ózin ákesine kerek, qadirli jan sezinedi.
Birge kitap oqy, birge bilgendi bólis.
Eskertý:
Bul sózder — balany qasyna ertip alyp, kafe jaǵalaý, kalıan shegý, temeki tartý, aýzyna kelgendi aıtý degen uǵym emes.
Ondaı «joldastyq» tárbıesizdikke aparady, ákesin syılamaıtyn ul ósiredi. Onyń zııany túbi ózińe tıedi.
Sondyqtan bul sózdi óz qalaýyna qaraı burmalaýǵa bolmaıdy.
