ÁRBIR ANA MEN ÁKEGE ARNALǴAN HAT
Balańyzdy qurtyp almańyz
Balańyzǵa eshqashan aıtýǵa bolmaıtyn sózder men qalyptasqan teris ádetter
- «Sen erkeksiń, er adam jylamaıdy»
Balańyzǵa jylaýǵa ruqsat berińiz, balalyq shaǵyn tabıǵı túrde súrsin. Ulyńyzdy «erkek jylamaıdy» degen qaǵıdamen tárbıelemeńiz. Kóz jasyn ishine basqan er adamnyń sezimi keıin shamadan tys ashý-yza, júıkelik kúızelis retinde shyǵady. Meıirimdi er adam – jylaı alatyn adam.
+Balańyzdy oınap júrgende «sen úlkensiń, oınama» dep aıtpańyz, qatarlastarymen oınaýyna tyıym salmańyz. Ol ózin-ózi sezingenshe, tabıǵı túrde ósip-jetilýi úshin balalyq shaǵyn tolyq ótkersin.
-Balalaryńyzdy óz sharshaýyńyzben jazǵyrmańyz:
«Men sender úshin qansha eńbektenemin, al sender qadirlemeısińder» demeńiz. Olar sizdiń aýyrlyǵyńyzdy túsinbeıdi, olar tek balalyq shaǵyn súrgisi keledi. Sizdiń ákeńiz de bir kezde tentek boldy, otbasy úshin eńbek etti. Erteń olar da óz balalary úshin eńbektenedi. Balalyq shaqtaryn erkin ótkizýine múmkindik berińiz.
-Balańyz mýltfılm kórgisi kelse, tyıym salmańyz, «sen oǵan úlkeıip kettiń» dep mazaqtamańyz. Ol balalyq shaǵyn óz qalaýynsha súrsin. Kórýge bola jylasa da, ony kemsitpeńiz.
-Balańyz óz pikirin aıtqanda, ony mazaqtamańyz.
Ol – balalyq oıdyń jemisi. «Sende pikir bar ma ózi?» demeńiz. Kerisinshe: «Pikirińdi qarastyraıyn, jaqsy oı eken» dep qoldańyz. Osylaısha onyń shyǵarmashylyǵy men derbes tulǵa retinde qalyptasýyna jol ashasyz.
- Balańyz sizge sýret nemese qolónerin ákelse,
«Keıin, men qazir match kórip otyrmyn» nemese «telefon qarap otyrmyn» dep ony keıinge qaldyrmańyz. Barlyǵyn qoıyp, eńbegin maqtańyz. Bul onyń qabiletin damytyp, ózine degen senimin arttyrady.
Sońynda:
Balalaryńyzdy jazalaýda da, qarym-qatynasta da alalamańyz. Bireýin artyq jaqsy kórip, ekinshisin elemeńiz. Jynysyna qaraı bólmeńiz: uldy kótermelep, qyzdy qorlaý nemese kerisinshe jasaý – úlken qatelik. Úlken bolǵany úshin bir balany ǵana kinálap, bar jaýapkershilikti soǵan artpańyz da, ózgelerin bos qaldyrmańyz. Balalaryńyzdy óz ishinde kemdik sezimimen ómir súrýge májbúr etýden saq bolyńyz.
