DUǴADAN KÚShTI NE BAR?
Dúnıedegi sebepterdiń ishinde eń kúshtisi ne dep oılaısyń? Ot pa, sý ma, álde jel me? Árqaısysynyń óz kúshi, óz áseri bar. Biraq osy fızıkalyq sebepterden de joǵary turatyn, kózben kórip, qolmen ustaı almaıtyn, aqylmen tolyq tanyp-bilý qıyn eki tylsym kúsh bar. Onyń biri — sıqyr, ekinshisi — adamnyń shynaıy jasaǵan duǵasy.
Sıqyr — adamǵa da, álemge de jan-jaqty áser ete alatyn tylsym kúsh. Onyń qaınar kózi — ibilis pen oǵan ergen asaý shaıtandar dep túsinemiz. Al adamnyń shyn júrekten, ishteı jalbarynyp jasaǵan duǵasynyń artynda kúlli álemniń Iesi — Uly Alla tur. Onyń bıligi aspan men jerge, búkil jaratylysqa ústemdik etedi.
Osyny tereńirek oı eleginen ótkizsek, duǵadan asqan kúsh joq ekenin túsinemiz. Adamnyń sanasynda Allaǵa jasalǵan shynaıy duǵanyń qudiretine degen senim berik bolýy kerek. Óıtkeni duǵanyń kúshi adamnyń ózinen emes, oǵan jaýap berýshi Uly Allanyń qudireti men qalaýynan.
Tarıhqa kóz júgirtsek, paıǵambarlardyń ómirinen duǵanyń talaı ǵıbratty úlgisin kóremiz.
Adam atamyz ben Haýa anamyz Ibilistiń azǵyrýyna erip, qatelik jasaǵan kezde, Allaǵa jalbarynyp, keshirim surady. Ibrahım paıǵambar alaý otqa tastalǵanda, Allanyń ámirimen ot oǵan zııan keltire almady. Musa paıǵambar Perǵaýynǵa qarsy turǵan kezde, Alladan járdem surap, aqıqattyń jeńýine sebep boldy. Urpaq súıýden úmit úzgen Zakarııa paıǵambar duǵa etti, sonda Alla oǵan Iahııany syılady. Al Súleımen paıǵambar Alladan eshkimge buıyrmaǵan erekshe patshalyq surap, úlken bılikke ıe boldy. Tipti jyndar da onyń ámirine Allanyń qalaýymen baǵyndy.
Osy oqıǵalardyń bári bizge bir aqıqatty uqtyrady: sebepterdiń kúshi ózdiginen emes, Allanyń qalaýymen júzege asady. Ot ta, sý da, jel de, adamnyń aılasy da, sıqyr da — bári Allanyń bıliginen tys emes. Eshbir tylsym kúsh Allanyń qudiretinen joǵary tura almaıdy.
Adam túsinýi kerek eń mańyzdy nárse — ibilis te, shaıtandar da, sıqyr da, kóz tııý men hasad ta Allanyń qalaýynan tys áreket ete almaıdy. Alla qalasa, olardyń zııanyn qaıtarady, adamǵa qorǵan bolady, tyǵyryqtan shyǵar jol ashady. Óıtkeni duǵanyń artynda jaı ǵana sóz emes, búkil álemniń Iesi — Alla tur. Duǵanyń qudireti adamnyń daýysynda da, sóziniń sheshendigin de emes, júreginiń shynaıylyǵynda, yqylasynda jáne Allaǵa degen seniminde.
Bizdiń álsizdigimiz keıde duǵanyń shynaıy kúshine júregimizben tolyq senbeýimizde. Asyǵyp, jaýabyn birden kútetinimizde. Al duǵa — tek qalaǵan nárseni suraý ǵana emes, Allaǵa jaqyndaý, Oǵan muqtaj ekenińdi moıyndaý jáne Onyń danalyǵyna sený.
Ýa, synaq pen qıynshylyqtyń darııasyna batqan baýyrym!
Qandaı aýyr jaǵdaıǵa tap bolsań da, úmitińdi úzbe. Janyń qysylyp, jolyń jabylyp, eshkim kómektese almaıtyndaı kóringen sátte de qolyńdy jaıyp, Allaǵa jalbaryn. Júregińmen duǵa et. Oǵan sybyrlap aıtsań da, kóz jasyńmen jalbarynsań da, ishińnen tileseń de — Alla júregińdegi muńdy biledi.
Esińde bolsyn: seniń qorqynyshyńnan da, basyńa túsken synaǵyńnan da, kez kelgen jaratylǵan kúshten de Allanyń qudireti joǵary. Búkil álem Onyń bıliginde. Sondyqtan eshbir qıyndyqty Allanyń meıiriminen úlken kórme.
Duǵańdy úzbe. Úmitińdi úzbe. Allaǵa degen senimińdi joǵaltpa.
Óıtkeni duǵanyń artynda — Alla tur. Duǵańa jaýap keledi. Biraq sen oılaǵan ýaqytta emes. sen qalaǵan beınede emes. Bálkim Alla qalaǵan ýaqyt pen beınede…..
