DÚNIE BAILYǴY ADAMDARDY BIR-BIRINE QARSY QOIaDY

12 maýsym 2024 427 0
Оqý rejımi

Paıǵambarymyz (s.a.ý.) bylaı deıdi: «Kim dúnıeni jaqsy kórse (oǵan kóńili aýsa), aqyretine zııan keltiredi. Kim aqyretin jaqsy kórse (oǵan mán berse), dúnıesine zııan beredi. Bul jaǵdaıda sender máńgilikti (aqyretti) pánıge (dúnıege) tańdańdar». («Músnád Ahmed»)

Hıjrı 16-jyly Irandyqtarǵa qarsy Jalýla jeńisi bolǵan jáne Halvýn alynǵan edi. Bul jeńiste qolǵa túsken úlken oljanyń besten biri Mádına Múnáýýaraǵa Halıfa Omarǵa (r.a.) jiberildi. Ǵanımet túnde jetkendikten hz. Omar meshitke jınatyp ústin japqyshpen japtyrǵan bolatyn. 

Tańerteń hz. Omar meshitke kelip, barlyǵy jınalǵan soń japqyshty ashtyrdy. Halıfa oljanyń ishindegi qymbat jaquttardy, ızýmrýttardy, gaýhar tastardy kórgende jylaı bastady. Abdýrrahman bın Aýf (r.a.):

 «Ýa, múminderdiń ámirshisi! Nege jylaısyz. Allaǵa ant eteıin bul jylaıtyn jaǵdaı emes, shúkir etetin jaǵdaı» degende ol bylaı jaýap berdi:

«Ýallahı! Men bul sebepke jylap jatqam joq. Alla mundaı múlikti qaı topqa berse olar shúbásiz bir-birinen qyzǵanǵan, bir-birine kek saqtaǵan. Bir-birin qyzǵanǵandardy da álbette Alla Taǵala bir-birine qarsy qylady».

 

Pіkіrler Kіrý