EŃ ÚLKEN QAÝIP — AJYRASÝ DERTINE ETIMIZDIŃ ÚIRENIP JATQANY!
Buryn ajyrasý — uıat edi.
Qazir — ádet boldy.
Keıde tipti maqtanysh.
“Endi erkinmin!”, “Kúshtimin!”, “Jańa ómir bastadym!”, “Qutyldym!”, “Ókinbeımin!” — dep jar salyp júrgender bar…
Bul jaǵynan erkekti de,áıeldi de jaqtaýǵa nemese aqtaýǵa bolmaıdy! Ekeýi birdeı jaýapty! Óıtkeni otbasyn saqtap qalýǵa biri kónse, biri kónbeı qyrsyǵyp, qasarysyp otyryp alady!
Erkek otbasyn saqtaý úshin minezin ózgertpeıdi! Áıel oǵan senim artpaıdy! Nátıje - qıraǵan shańyraq!
Ajyrasýdan keıin ne qalady?
– Ekige bólingen taǵdyr.
– Kóńili jarym, tiri jetim bala.
– Keshirilmeı qalǵan renish.
– Júrekke túsken jara.
– Nekege degen senimsizdik…
Nege bul dertke etimiz úırenip jatyr?
– Óıtkeni kóp adam ajyrasady.
– Óıtkeni ony saqtap qalýǵa kóp adamnyń saýaty men bilimi jetpeıdi.
– Óıtkeni baqytty neke úlgisi azaıyp barady.
– Óıtkeni ajyrasýdy qalypty dep kórsetetin fılmder men kontent kóp.
Ókinishke qaraı:
Bir otbasynyń qulaýy — bir urpaqtyń bolashaǵyna balta shabý.
Bir erkektiń otbasyn tastaýy — bir áıel janynyń jaralanýy.
Bir áıeldiń sýynýy — bir balanyń ózine senimsizdikpen ósýi.
Ajyrasýdyń ózi qaýipti,
al oǵan et úırenip jatqany — odan úlken qaýip.
- Bul — tek eki adamnyń hıkaıasy emes.
- Bul — bir ulttyń aman qalý nemese quldyraý máselesi bolyp tur!
SIZDIŃ OIYŃYZShA:
Qoǵam ajyrasýǵa úırenip ketpeý úshin ne isteý kerek?
Sizdiń oıyńyz — bálkim bir otbasyn qutqarar…Pikirge jazyńyz!
Asylbek ÁÝEZHANULY
