Erik Omarǵalı

Erik Omarǵalı 1992 jyly 22-naýryzda ShQO, Jarma aýdanynyń Jańǵyztóbe aýylynda dúnıege kelgen. Qazaq Innovatsııalyq Gýmanıtarlyq Zań Ýnıversıtetiniń fılologııa mamandyǵynyń 3-kýrs stýdenti. Respýblıkalyq Ilııas Jansúgirov músháırasynyń 1-oryn ıegeri. Qalalyq, aımaqtyq músháıralardyń júldegeri. 

Muhammedim, sen súıgen úmbetińmin

Birligi men Ál-Haqtyń hám barlyǵyn,
Eń jaqsy jol seniki – tańdar kimiń?
Táhájúdke jyǵylǵan túnderińmen,
Shaıtan úrikken duǵańnan alǵanym qun.

Muhammedim! Sen súıgen úmbetińmin.
Aqıqattyń aq týyn jyrmen tildim.
Qyryǵyńda berilse paıǵambarlyq
On úshimnen aqyn bop kún jetildim.

Shyn musylman Qurandy qorek tutar.
Salaýatty ózińe erek tutar.
Hadısińde, qaldyrǵan Úmmetteriń,
Sózderińdi kóńilge medet tutar.

Súıinshilengen jánnatpen on sahaba.
Shahıd ótken din úshin ańsar qara!
Mıǵraj túni, Jaratqan qudiretimen,
Rasýl barǵan jumaqqa, mahsharǵa da.

On tórt ǵasyr senimin bosqa artpadyń,
Bári de aıqyn, Kárımdi ashsaq, qaýym.
Aı men Kúndi qondyrsa da,
men jaıýdan,
Islamdy degen ol
bas tartpaımyn!

Qur aqyn dep, jyndy dep, senbegen be?
Qaǵba úshin de shaıqasta erlegende.
«Oqy, jáne oqy, Rabbyńnyń atymen» paıǵambarlyq,
Kimge keldi, Muhammedke kelmegende?!

Nur júzińnen domalaq ushqyn izgi,
Lábbaı, Rasýl
adaldyq túzdiń izdi.
Taıpasynan shyqsań da Quraıyshtyń,
Adamzattyń ulysyń kúsh, bilimdi.

Barshaǵa aıan mırastyq maǵrıpatyń,
Abdolla áke,
Ámıná ana,
ar qýatyń.
Úmmil Aısha jaryńnyń Meıirindeı
Álı qurǵan Islam halıfatyn!

Muhammedim biz úshin salaýatyń,
Muhammedim biz úshin ǵadaýatyń,
Paıǵambarlar ishinde sultanymyz
Máýlitińde siz úshin sanalatyn!