Ǵalym Jákeshuly

1986 jyldyń 20-shildesinde Qaraǵandy qalasynda dúnıege kelgen. 2008 jyly Qaraǵandy Memlekettik tehnıkalyq ýnıversıtetin aıaqtaǵan. 2013 jyly Astana medresesinde dinı saýat alyp, 1 jarym jyl shamasynda Túrkııa elinde dinı saýatymdy jetildirgen. Qazirgi tańda Qaraǵandy qalasyndaǵy oblystyq meshit janyndaǵy saýat ashý kýrsynda ustaz.

Sáýleli shýaq

Bismillá basy, taqyldaı qalsa tańdaıym,
Áýeli sózdiń, Allaǵa madaq árdaıym,
Ǵazız elshige, sálem men sansyz salaýat,
Sahabalarǵa sarqylmas sálem joldaıyn.

Túnekke toly, kóńil de bári qarańǵy,
Nadandyq jaýlap, bıledi qaıǵy adamdy.
Sáýleli shýaq shaǵylmaǵanda kóńilge,
Qasiret máńgi, basar ma, bálkim ǵalamdy.

Raqymy Haqtyń – sáýleli shýaq tógildi,
Raqymnyń nury, meıirim gúli kórindi.
Barshaǵa kelgen baǵasyz baqyt, uly baq,
Oıatty sansyz qapyda qalǵan kóńildi.

Túrlendi álem, bastaldy bári jańadan.
Ǵapyldyq ketti, soqyrlyq óshti sanadan.
Adamzat úshin, sharapat keldi, maqtaýly,
Baqyttqa bastap, ıgilik jolyn qalaǵan.

Sáýleli shýaq-Muhammed muhtar tańdaýly,
Meıirimine bólegen qansha jandardy.
Úmmeti úshin, alańdap asyl júregi,
Qarsy aldy-aý, talaı kirpigin qaqpaı tańdardy.

Sáýleli shýaq-erekshe sulý, nur júzi,
Ár adam úshin, ónege toly nurly izi.
Kórkem jaralǵan, kishpeıildiktiń-asqary,
Kórkem minezdiń, jarqyrap janǵan juldyzy.

Sáýleli shýaq-Uly Rabbysy maqtaǵan,
Dilinde onyń, tozańdaı yza jatpaǵan.
Taıyftaǵylar tas atyp, talaı sókse de,
Keshirim tilep, Taıyftyń halqyn aqtaǵan.

Sáýleli shýaq-kóńili toly qanaǵat,
Dýaly sózi, aıtylǵan tereń saralap.
Senimniń shyńy- Muhammed ámın atanǵan,
Dushpandary da, qaldyra tuǵyn amanat.

Sáýleli shýaq- Mádıne-Mekke turaǵy,
Úmmeti úshin, tógilgen nurly shýaǵy.
Sýsaǵan kóńil, shóldegen jandar, shól basqan,
Shóldegi dara, sýy bal- móldir bulaǵy.

Sáýleli shýaq-myń júrektegi bir arman,
Baqytqa bastar uly joldaǵy, uly arman.
Mahabbat tilep, jalbarynamyn Jaratqan,
Shapaǵat tilep, Rasýldeı tiri Qurannan.