KÁRIS HALQYNYŃ MAQAL-MÁTELDERI
Qolbasshysyz ásker – anasyz sábı sekildi.
*
Árip – jaýynger, maǵyna – general.
*
Bılik bolsa, jaqtaýshylar tabylady.
*
Býddanyń bet-álpeti músinshige baılanysty.
*
Usta kóp bolsa, qabyrǵa qısyq.
*
Qojaıyny kóp úıde qonaq ash qalady.
*
Ash jolbarysqa ıt ne, monah ne – ekeýi birdeı.
*
Qalanyń jańalyǵy aldymen aýylda aıtylady.
*
Jalǵyz qaraǵan qoıylymnyń qyzyǵy joq.
*
Ádemi ertegini kúnde tyńdasań da máni ketpes.
*
Urlyq on qaraýyl júrgen jerde jasalady.
*
Jalǵyz júrgen jol uzaq.
*
Adamnyń oıyn oqý – eski tıynnyń sanyn bilý sekildi qıyn.
*
Aqymaqqa ádemi kıim kıgizseń de aqymaq bolyp qalady.
*
Aspan jerge qulasa da, shyǵatyn tesik tabasyń.
*
Bireýdiń jumysyn jazda isteseń de qolyń tońady.
*
Enesine ashýlanǵan adam ıtin urady.
*
Bilim – kúmánniń bastaýy.
*
Úlken tóbeles kishkene urystan bastalady.
*
Týǵan jerdiń qarǵasy da súıkimdi.
*
Adam bireýdiń boıynan ózinde bar kemshilikti kórer.
*
Kıtter tóbelesse, shaıandar óledi.
*
Ádemi gúldiń bárinen jaqsy ıis shyqpaıdy.
*
Jalqaý adam uzaq jýynady.
*
Jolbarystan shoshynǵan mysyqtan qorqady.
*
Jazym kelem dese, jumyrtqadan da qylqan shyǵar.
*
Daýdyń jaqsysy joq, duǵanyń jamany joq.
*
Dostyqtyń joǵalýyna bir sóz jetkilikti.
*
Tamaq unamasa, ıtke beresiń;
adam unamasa, sabyr etesiń.
*
Úsh kún ashyqqan adam ury bolady.
*
Tamyrsyz aǵash japyraq jaımaıdy.
*
Shashylǵan kúrishti jınap alasyń,
aıtylǵan sóz qaıtyp kelmeıdi.
*
Otansyz adam qańǵybas ıtten de jaman.
Daıyndaǵan Eskendir ZULQARNAI
