MUHAMMED ÁLI: MEN QALAI MUHAMMED ÁLI BOLDYM?
Bala kúnimde men ár nársege qyzyqtaǵysh bolatynmyn, búkil álemdi tanyǵym keldi, ájemmen birge shirkeýge baryp turatynmyn, ol jerde de qabyrǵada salynǵan sýretterge qarap: nege perishteler appaq? Nege Isa paıǵambar appaq? Nege barlyq jaqsylyq appaq? Al jaman nárseler qap-qara? Eger sen jaman adam bolsań qara tizimge ilinesiń, tipti shaıtannyń ózi qara-qyzyl?-dep suraı beretinmin.
Munda bir túsinbestik bar. Eýropalyqtar mıymyzdy ashytyp, dinimizden aıyryp, bizge jańa at bergen.
Altyn medal jeńip alǵan soń men aq tústilerdi ornyna qoıyp qoıaıyn dep, “Downtown” restoranyna bardym. Onda qara tústilerge múlde kirýge bolmaıtyn. Sonymen men moınyma altyn medaldy taǵyp alyp restoranǵa kelip kirdim, olımpıada chempıonymyn, bir jaqsy tamaqqa tapsyrma bermekpin, jaǵdaıym jaqsy, kedeı emespin dep qoıamyn, báribir meni restorannan qýyp shyqty. Amerıka úshin rıngke shyǵyp tóbeleskenimdi (bokstasqanymdy) qaıteıin, restorannan tamaq ishe almaıdy ekenmin, sonymen qatty ókpeledim. Teńiz jaǵasyna keldim de medalymdy laqtyryp jiberdim. Muhammed paıǵambardyń (s.ǵ.ý.): “Islamda rasızmge jol joq,”-dep aıtqanyn esittim. Sosyn men meshitke keldim, aıaq kıimimdi sheshtim, kóńilim túsken kúıi ishine kirdim, barlyq adam tynyshtyqta otyr, sóıtsem olar namaz ýaqytyn kútip otyr eken. Men olarǵa qyzyǵa qarap otyrmyn, óz kózime ózim senbedim, aq tústiler men qara tústiler túk bolmaǵandaı bir-birimen kúlip áńgimelesip otyr, bári birge namazǵa jyǵyldy, munyń bárin kórgen men ózimdi baqytty sezindim. Aq tústi kisiniń qara tústini qushaqtap jatqanyn kórdim, ol úshin ashyq kúni naızaǵaı urǵandaı áser etti, bunyń qatty áser etkeni sonsha, jylap jibere jazdadym. Men olarǵa qarap otyrǵanymda meshit ımamy keldi, ol menimen amandasyp, meni birinshi ret kórip turmyn dedi. Men ol kisige qarap: musylman bolǵym keledi dedim. Ol ıá árıne, namazdan soń,-dedi.
Namazdan soń ol kisi meni janyna shaqyryp alyp:
“Allanyń jalǵyz Qudaı ekenine, Muhammed Onyń Elshisi ekenine kýálik beresiń be?”-dep surady. Men kýálik berdim. Meshittegi adamdardyń bári hormen: “Allahý ákbar!”-dep jatty. Men buǵan jylap jiberemin dep oılaǵan edim, sondaǵy adamdardyń kóbisi, tipti ımamnyń ózi jylap jiberdi. Bári meni qushaqtap, quttyqtap jatty. Men sodan soń esimimdi Muhmmed Álı qylyp ózgerttim. Men qansha jerden uly adam bolsam da, tipti chempıon bolǵanymda da jylaǵan emespin, biraq musylman bolǵanymda jyladym.
Men bokserden góri musylmanmyn.
Dáýren Musa paraqshasynan.
aýdarǵan Júrsin Kárim
