Muhıt Babaqul Berdenuly

2000 jyly 21-mamyrda Túrkistan oblysy, Otyrar aýdanynda dúnıege kelgen. Qazirgi tańda Astana qalasyndaǵy Qazaq Ulttyq Óner Ýnıversıtetiniń «Dástúrli óner» fakýltetiniń 2-kýrs stýdenti

Paıǵambarlar sultany

Əlemniń bastalǵanda bar synaǵy,
Óziń eń bola bilgen janshýaǵy.
Qarańǵyda kún keshken adamzattyń,
Jaryqqa jol siltegen shamshyraǵy.

Asyl eń qatarynan asyp týǵan,
Boıynda bar jaqsylyq tasyp turǵan,
Jalǵyz ózi júrip aq jer betinde,
Mıllıard musylmandy ǵashyq qylǵan.

Jan boldyń jamandyqty jaqtamaıtyn,
Eshkimniń ar namysyn taptamaıtyn.
Oń qolǵa kún, sol qolǵa aı berse de,
Aqıqattyń aq jibin attamaıtyn.

Sózderiń súıekterden ótýshi edi,
Ýaǵyzyń júrekterge jetýshi edi.
Nasıhat aıtqanyńda jamaǵatyń,
Bul dúnıeni umytyp ketýshi edi.

Úmmetim dep ótkerip peınetti júz,
Bar adamdy sypaıy, syıly ettińiz.
Saýatty bolmaǵanmen ózgelerden,
Saýapty is jasaýdy úırettińiz.

Qaptaldan qasqúnemder qysqanynda,
Aınymaı berik boldyń ustanymǵa.
Janyńa jaqyn jandar bylaı tursyn
Duǵańnyń ishinde edi dushpanyń da

Jer betine nadandyq jaıylǵasyn,
Qaıǵyryp salyndyńyz ýaıymǵa shyn
Adamzatqa aıshyqtap kórsettińiz,
Adalmenen aramnyń aıyrmasyn.

Rasýlalla, saıaly bəıteregim,
Men óziń bolmaǵanda qaıter edim?
Bir úmmetim úshin dep kúndiz túni,
Myńmen jalǵyz alysqan mərtebelim!

Ómirden kóp kórgenmen talas bəıgi,
Musylmanǵa muqalǵan jaraspaıdy.
San soqpaq jol shyqsa da Paıǵambardyń,
Sońynan ergen adam adaspaıdy.

Meıirimmen berilgen elge enshisi,
Muhammed múminderdiń boldy emshisi.
Bar maqtaýǵa laıyqty bir Allanyń, 
Ardaqtaýǵa laıyqty sońǵy elshisi.