Oraza – adam úshin eń kerekti dári (medıtsınalyq paıdasy)
Oraza ishek aýrýlaryna, ish qatýǵa, keıbir teri aýrýlarynyń jaqsarýyna kómektesedi. Oraza ustaǵan adamnyń ishki múshelerine jınalatyn maılardy eritip, metobolızmdy jandandyrady. Búırek, baýyr, qýyq, sýsamyr (qant dıabety), júrek pen tamyr aýrýlaryna qarsy tózimdilikti arttyrady. Ol úshin sáresi men aýyzashar ýaqytynda tym kóp as jemeý kerek. Orazanyń paıdasy týraly doktor Aleks Karrel bylaı deıdi: «Tamaq ishpeý áýeli ashtyqty uǵyndyrady. Alaıda, eń mańyzdysy – baýyrdaǵy shekerlerdi, teri astyndaǵy maı qyrtystaryn, bulshyq et, bez, kók baýyr jasýshalaryndaǵy proteınderdiń qımylyn arttyrady. Mine, osylaısha oraza tkandarymyzdy tazalap, ózgertip otyrady».
Oraza kezinde kúndizgi ýaqyttarda qandaǵy holesterın deńgeıi tómendeıdi. Tamyrdyń jaqtaýlarynda birigip qalǵan eski holesterın qaldyqtary birte-birte qan aınalymyna aralasyp, qattylyǵyn joǵaltady. Osydan baryp eń bir qorqynyshty aýrý «arterıoskleroz» (júrektiń qysylýy jáne sal bolý sebepteri (oraza men dárettiń ortaq áserimen) joıylady.
Júrekke keri áser etetin úsh faktor bar: tamyrdyń qattylyǵy, júıkeniń sharshaýy, asqazanǵa ylǵı da qysym túsetindigi. Oraza ustaǵan adam osynyń úsheýinen de zııan shekpeıdi.
Kóp as ishkennen keıin denedegi búkil múshelermen qatar, júrek te sharshaı bastaıdy. Bundaı jaǵdaıda qan mı men ortalyq júıke júıesiniń jasýshalaryna tolyqtaı jete almaıdy. Júrek mamandary kóp tamaqtaný men júrek talmasy arasynda baılanys bar ekenin aıtýda.
Batys Germanııanyń Nordheım Vestfalen qalasyndaǵy Rak aýrýlary ınstıtýtynyń mamany prof.dr.Dj.L.Paýl arnaıy zertteý nátıjesinde orazanyń rak aýrýynan saqtaıtyndyǵyn jarııalady. Professor Trebtiń medıtsına áleminde aıtýly baǵaǵa ıe málimetine súıensek, oraza ustaǵan adamda «adrenalın jáne kortızon» dep atalatyn gormondar kóp mólsherde qanǵa aralasady. Deneniń eń kishi jasýshalarynyń azaıyp-kóbeıýin qamtamasyz etetin bul gormondar bul jasýshalardyń rak aýrýyna shaldyqpaýyn qamtamasyz etedi.
Oraza deneniń búkil júıelerine áser etip, densaýlyǵyn arttyratyn qasıetke ıe. Alaıda tek densaýlyqty jaqsartý nıetimen oraza ustaý durys emes. Oraza ustaýdaǵy basty nıet – Allanyń ámirin oryndaý bolýy kerek. Orzalaryńyz qabyl bolsyn!
