ÓTIRIK AITÝ INDET

Ótirik aıtý, bir nárseniń shyndyǵyn bilý aıtpaý degendi bildiredi. Ótirik aıtý, mylqaýlyqtan da jaman indet ári úlken kúná. Ótirik aıtý ósek, jala, ǵaıbat sııaqty jaman ahlaqtardy týdyrady. 

Paıǵambarymyz (s.a.ý.) bylaı degen:

 «Shynshyldyq adamdy qaıyrǵa bastaıda. Qaıyrly amal adamdy jánnatqa aparady. Shyndyqty ózine uran etken adam «Syddyq» mártebesine laıyq bolady. Ótirik aıtý adamdy jamandyqqa, jeteleıdi. Jamandyq adamda tozaqqa aparady. Ótirik aıtýda ózine kásb etken adam, Alla quzyrynda «kázzáb» degen atpen atalady». 

Ótirik aıtatyn adam el-jurt aldynda uıatqa qalyp, qadir-qasıetiniń túkke turǵysyz bolatynyn este saqtaýy kerek. Óıtkeni adam balasy tabıǵı túrde ótirik aıtýdy jek kóredi. Tipti ótirikshiniń ózi bireý oǵan «ótirikshi» dese renjıdi. Ótirikshiniń qadiri joq.

Paıǵambarymyz (s.a.ý.) bylaı degen:

 «Kimde osy tórt indet bolsa ol naǵyz munafyq degen. Kimde bulardyń bireýi bolsa, onda munafyq ádeti bolǵany. Bul indetter mynalar: amanatqa qııanat jasaý, ótirik aıtý, ýádesin buzý, aqıqattan bet burý».

Sondaı-aq sóıleý-tildesý Alla Taǵalanyń adam balasyna bergen bir qasıeti ekenin de eskergen jón. Bul qasıetti tek jaqsylyqta - adamdarǵa jaqsy nárselerdi, aqıqatty aıtýda paıdalaný kerek. Al ótirik aıtý bul maqsatqa teris. Alla Taǵalanyń adam balasyna bergen bir qasıetin durys paıdalanbaý obal jáne úlken kúná.