Qarýn baıdyń qıssasy

14 qarasha 2018 1565 0
Оqý rejımi

Quran Kárimde Alla Taǵala: «Rasynda, Qarýn Musanyń qaýymynan edi de, olarǵa qarsy keldi. Sondaı-aq, oǵan kiltterin kúshti bir top áreń kóteretin qazynalar bergen edik»[1], – deıdi. Alla Taǵala óziniń keńshiligimen onyń rızyǵyn molaıtty da, ol óz saýdasymen úlken baılyqqa ıe boldy. Sol baılyqtyń býyna mastanyp, jan balasyn mensinbeı, Allaǵa da boıusynbaı ózine razy kúıde ómir keship jatty.

Quran Kárimde aıtylǵandaı, Qarýnnyń qazyna qoımalarynyń kiltterin myqty jigitterdiń ózderi jabylyp kótere almaýshy edi. Ol eshkimge baǵynbady. Múmin týystarynyń: «Alla Taǵala bergen baılyqqa asyp-taspa! Adamdarǵa ústemdik etpe! Kóp adamǵa bermegen baılyqty saǵan bergen Qudaıǵa shúkirlik et!» – degen aqyldaryna qulaq aspaıdy. «Bul Alladan emes. Óz bilimim men óz jetistigimniń arqasy», dep dandaısydy.

Oǵan qaýymy: «Áı, Qarýn, seniń qolyń jetken bul baılyq Alla Taǵalanyń keńshiliginen, endeshe ıelikten jaqsy is-amal jasap dúnıe men aqyret saýabyna ıe bolmaısyń? Bul dúnıeden ózińe tıesili nárselerdi al, ádemi kıin, dámdi taǵamdar je, jaqsy úıde tur, biraq ár nárseniń óz ornyn bil», – dedi. Alaıda, ol odan saıyn tákápparlanyp: «Bul baılyqqa ózimniń bilimim men erekshe qabiletim arqyly ǵana qolym jetti», – dep jaýap qaıtardy. Qaýymy ony qanshama týra jolǵa shaqyrǵanymen, ol betinen qaıtpaı asqaqtaı berdi. Bir kúni ol óziniń barlyq sán-saltanaty, ádemi kólikteri, áshekeıleri men qyzmetshilerin erte keldi. Onyń bul saltanatyna qyzyqqan keıbir adamdar «Shirkin-aı, biz de Qarýn sekildi ómir súrsek qoı», – desti.

Quran Kárimde ol týrasynda: «Dúnıe tirshiligin qalaǵandar: «Átten, bizge de Qarýnǵa berilgen tárizdi bolsa, rasynda da ol zor yrys ıesi», – dedi»[2], – delingen. Olarǵa ımandy múmınder: «Sender nemenege qyzyǵyp tursyńdar? Qarýndy masaıratqan baılyq ótkinshi, túkke turmaıtyn dúnıelik nárseler. Alla Taǵalanyń óziniń ımany túzý quldaryna aqyrette beretin syılyǵy budan áldeqaıda artyq nárse, óıtkeni jánnatta kózińe elestete de almaıtyn ıgilikter bar. Oǵan tek jánnat ıeleriniń ǵana qoly jetedi», dedi.

Adamdar osylaısha Qarýnnyń sán-saltanatyna qyzyǵyp, tamsanyp turǵan. Sol kezde Jaratýshy Ie ony jáne onyń úı-múlkin áp-sátte jerge jutqyzdy da, eshteńe bolmaǵandaı jer typ-tıpyl bola qaldy. Tipti, Qarýn jer betinde eshqashan ómir súrmegen sekildendi. Az ǵana buryn sol adamdardyń ishindegi Qarýn sekildi bolǵysy kelgender: «Rasynda, kisiniń nesibesin taryltý men keńitý Alla Taǵalanyń qolynda eken ǵoı. Eger Allanyń qaıyrymy men qamqorlyǵy bolmasa bizdi de jer jutqyzar edi, óıtkeni biz de sol sııaqty bolýdy kóksedik qoı. Iman berip, kózimizdi osy nársege jetkizgen Allaǵa shúkir. Shynynda da kápirler eshqaıda qutylmaıdy», desti.

Ǵıbrat: Ózińnen tómenderge tákápparlanba, kerisinshe, olarǵa kishipeıil bol. Ózińe berilgen rızyqtan kedeı-muqtaj kisilerge de ber. Sonda osy dúnıede de baqytty ómir súrip, Alla qalasa aqyrette jánnatqa kiresiń.

Arab tilinen aýdarǵan: Q. Sadybaev


[1] «Qasas» súresi, 76 –aıat.
[2] «Qasas» súresi, 79-aıat.

Pіkіrler Kіrý