QUDYQ QAZÝShY (Ǵıbrat)
Baıaǵyda bir shaharda keremet bir qudyq qazýshy bolǵan eken, ol óte tereńnen qudyq qazyp, ony óńdep, sándeıdi eken. Qazǵan qudyqtarynyń sýy mol, taza, móldir, tushy bolyp shyǵady eken de, qaladaǵy adamdar onda kúnde sý ishýge kelip turady eken. Qudyq qazýshy óz isine rıza bop, únemi júregi qýanyshqa toly bolyp júredi.
Ýaqyt zymyrap óte beredi, bir kúni ol qudyq sýynyń burynǵydaı shól qandyrmaıtynyn baıqaıdy. Adamdar burynǵysynsha odan sý iship, alǵysyn jaýdyryp jatty. Biraq ózi qanshama ret shelektep sý shyǵaryp ishse de shóli qanbaı qoıypty.
- Maǵan ne kóringen?-dep oılady ol. - Qudyq sol burynǵy qudyq, sýy burynǵysynsha taza, móldir, biraq shólimdi qandyrmaı jatyr.
Sonymen qudyq qazýshy sol mańdaǵy bir úlken ǵulamaǵa baryp:
- Kúni búginge deıin qudyq qazýdy jalǵastyryp júrmin, adamdar maǵan rıza, alǵystaryn jalǵastyrýda, turmysym da jaman emes. Biraq nege ekenin bilmeımin, ishim bos sekildi,-dedi.
- Bul degen sóz,-dedi dana qarııa, - nápsińniń qalaýlary kóbeıgen degen sóz, sondyqtan Ulyq Qudaı onyń bárimen bir sátte seni qanaǵattandyra almaıdy. Seniń kelesi qazatyn qudyǵyń jer betinde emes, ol óz júregińniń bir túkpirinde,-dedi.
Sonda ony qalaı tappaqpyn?-dep surady qudyq qazýshy sheber.
-Qatty shóldegen kezińde, eriksiz aspanǵa qarap aıqaılap jalynasyń, sol kezde jańa qunar ashylady,-dedi.
Bir kúni qarańǵy bir túnde, qýyskeýdelikke shydamaǵan ol joǵaryǵa qarap:
- Ne úshin ómir súrip jatqanymdy bilgim keledi?- dep sybyrlady.
Sol kezde taza sýdyń alǵashqy tamshysy kelip onyń júregine tamdy.
Kabbala Danalyǵy
aýdarǵan Júrsin Kárim
