QYZǴANYSh DERTI NEMESE JÚREKTEGI JYLAN

21 jeltoqsan 2023 1598 0
Оqý rejımi

Din ǵalymy bir ýaǵyzynda tómendegi qıssany aıtyp berdi:

 “Bir kúni bir jylan kóbelekti 3 kún boıy qýǵan eken. Úshinshi kúni kóbelek odan dat surap:

 “Meniń saǵan úsh suraǵym bar, soǵan jaýap bergen soń, meni jeı ber” deıdi.

 Kóbelek:

 “Birinshi suraǵym, men seniń azyǵyń emespin ǵoı?” deıdi.

Jylan:

 “Azyǵym emessiń” dep jaýap beredi.

Kóbelek:

“Menen alar óshiń bar ma?” deıdi.

Jylan:

 “Joq, óshim joq” deıdi.

 Kóbelek:

 “Onda meni nege qýyp, óltirgiń keledi?” deıdi.

Jylan:

“Seniń ádemi qanattaryńmen pyr-pyr etip ushqanyńdy kóre almaımyn” dep jaýap beripti.

Sol sııaqty qazirgi kezde ózine zııany da, qatysy da joq bolsyn, adamdar arasynda bir-birine degen kóre almaýshylyq, qyzǵanysh, ósek, ǵaıbat aıtý sııaqty, jańaǵy jylanǵa tán pendelikter kóbeip jatyr. Qazir jylandar dalada emes, bizdiń júregimizden oryn alǵan. Sodan arylýymyz kerek” dep sózin aıaqtady. Rasynda, bul bilgen adam úshin ǵıbraty mol oqıǵa.

 Alla barshamyzǵa hıdaıat bersin!

 

 Qýat QABDOLDA

 

 

Pіkіrler Kіrý