Ramazanda «et jemeıik» ...

16 mamyr 2019 7827 0
Оqý rejımi

Paıǵambarymyz bir kúni sahabalaryna oraza ustaýdy buıyryp, artynsha bylaı dep qatań eskertý jasady:

– Men ruqsat etpeıinshe keshke eshkim aýyz ashpasyn!

Eldiń bári jappaı aýyz bekitip, oraza ustady. Kesh túskende jeke-jeke kelip, aýyz ashýǵa ruqsat alyp jatty. Dál osy tusta bir kisi jaqyndap kelip:

– Ýa, Allanyń Elshisi! Eki qyzym da kúni boıy oraza ustaǵan edi. Uıalǵandyqtan ózderi kelip sizden ruqsat suraı almady. Ruqsat etseńiz, orazalaryn aıaqtap, aýyzdaryn ashsa jaqsy bolar edi, – dep ótinish bildirdi.

Alaıda, Paıǵambarymyz (s.ǵ.s.) oǵan ruqsat bermedi.

Álgi kisi taǵy eki ret kelip ruqsat surady. Úshinshi ret kelgende Paıǵambarymyz (s.ǵ.s.):

– Ókinishke qaraı, olar búgin oraza ustaǵan joq... Kúni boıy «kisi etin jegen» (árkimniń syrtynan ósek aıtyp, ǵaıbat sóılegen) adam qaıtip oraza ustasyn?! Bar da olarǵa aıt: eger nıet etip oraza ustaǵandary ras bolsa, dereý qusyp asqazanyndaǵynyń bárin shyǵarsyn, – dedi.

Álgi kisi qyzdaryna Paıǵambarymyzdyń (s.ǵ.s.) aıtqandaryn aına qatesiz jetkizdi. Olar paıǵambarymyzdyń buıryǵyn dereý oryndap, ózderin kúshtegende kesek-kesek qan qusty. Álgi kisi kelip bul jaıdy Paıǵambarymyzǵa aıtqanda, ol:

– Qudireti kúshti Alla Taǵalaǵa ant eteıin, eger olar álgi uıyǵan qandy qusyp tastamaı, asqazanda sol kúıi qalyp ketkende Tozaq otyna otyn bolar edi, – dedi.

Iá, tek tamaqqa ǵana emes, tilge de, kózge de, aıaqqa da, qolǵa da oraza bolsa, sonda ǵana ol naǵyz oraza bolmaq. 

Pіkіrler Kіrý