SENDE JAǴYMPAZDARDY UNATADY EKENSIŃ ǴOI!..

17 maýsym 2024 540 0
Оqý rejımi

Qytaı tarıhynda Úsh patshalyq degen dáýir ótken. Sol dáýirde Guń degen óte týrashyl ámirshi adam bolǵan eken. Basqalardyń ózine jaǵymsyp, jaramsaqtanýyn jaratpaıdy eken. Shendi-shekpendi adamdarǵa ózi de jaǵymsymaıdy eken. Qol astyndaǵy bireýdi jaramsaq sózdiń sheberi, aılakerligine súıenip ár kúnin saıranmen ótkizedi eken degendi estip, ony óltirmek bolyp qylyshyn alyp izdep kelipti. Bir jerden ony taýyp alyp, kárlene:

 «Estisem sen elge jaramsaqtanýdyń sheberi ekensiń. Búgin maǵan bir jaǵymsyp kórshi!» depti.

Álgi adam: «Kishkene jaramsaqtanǵyshym bar ekendigi shyndyq, biraq meniń jaramsaqtanyp júrgenderim túgeldeı qarashalar ǵoı. Ózińizdeı dúnıege ataǵy jaıylǵan adamnyń jaramsaq sózderdi estigisi kelmeıtinin, bireýge bireýdiń jaǵymsyp júrgenin jaqsy kórmeıtinin ábden bilemin. Meniń sizge jaramsaqtanýǵa qalaı batylym barsyn?!» depti.

«Joq, sen onsyz da jaramsaqtanyp tursyń, qýaýyz! Basyńdy shabaıyn!» dep tur umtylǵanda álgi adam:

 «Qutqarǵanyńyzǵa raqmet!» dep onyń aldyna jyǵyla ketipti. Sonda ámirshi kótergen qylyshyn túsirip, seniń aıtqanyń neniń raqmeti dep surapty.

Álgi jaramsaq:

 «Guń ámirshi asqar taýlardan asyp basyp alǵandaryńyz ylǵı ataǵy jer jarǵan qolbasshy sardarlar ǵoı, mendeı bir qarashanyń basyn sizdiń qasıetti qylyshyńyz kesse kókten tilegenim jerden tabylǵandyq bolmaı ma?» depti.

Ámirshi ún qatpaı biraz turyp, artyna kilt burylyp kete barypty. Álgi jaramsaq adam ámirshiniń artynan qarap turyp aqyryn ǵana:

 «Sende jaǵympazdardy unatady ekensiń ǵoı!» degen eken.

 

 

Pіkіrler Kіrý