Tileıhan Jánibek

2003 jyly 6-qyrkúıekte Mońǵolııa Respýblıkasy, Baıan Ólgeı oblysy, Sálenge aýdanynda ómirge kelgen. Qazirgi tańda «Saryaǵash medrese» kolledjiniń 1-kýrs stýdentimin.

Paıǵambarǵa arnaý

Saǵynǵanda jalǵyz qalyp oılanamyn,
Kerek eken anda-sanda oıǵa muń.
Janymnyń jartysynan aırylǵandaı,
Rasýlýlla men seni oıǵa alamyn.

Átteń-aı! Júzińe bir toımaǵanym,
Kezinde sol sezimge boılamadym.
Ia, Rabbym keshiregór qulyńdy óziń!
Alańsyz saýyq-saıran oınaǵanyn.

Kóziń sondaı shoq sekildi janyp turǵan,
Beıne bir bolǵandaısyń jaryq nurdan.
Múbárák qoldaryńnan ustap qalý,
Arman boldy bizderge zaryqtyrǵan.

Men beıshara esim ketip saǵym qýǵan,
Saǵynbappyn talaıdy saǵyndyrǵan.
Shyn aqymaq men ekenmin bul ómirde,
Bolmapty sen úshin de janym qurban.

Saldy da arǵy ómir qursaǵyna,
Alyp ketti jánnattyń nur taǵyna.
Úmmetiń jylap seni qımaı jatyr,
Qol sozyp bul pánıden tur saǵyna.

Allanyń dinin jaıyp asyldandyń.
Sultany sen ediń ǵoı asyldardyń.
Bul ómirde adamǵa muqtaj bolmaı,
Allanyń járdemimen sýsyndadyń.

Jánnatqa birinshi bop adymdaǵan,
Bolyp kelshi tym bolmasa saǵym maǵan.
Saǵyndym sizdi, nur atqan beıneńizdi,
Jan aqymaq sekildi saǵynbaǵan.

Toltyrdyń júrektegi ımannyń shekarasyn,
Emdedim siz arqyly jan jarasyn.
Jaqsylyqty amanat qyp tastadyńyz,
Ajyratyp aq pen qara eki arasyn.

Biz kelemiz búginde haq izinen,
Men beıshara bir sorly baǵy úzilgen.
Siz kettińiz dinimizdiń dińgegi, asyl táji,
Semserdeı bolyp qaldyń saby úzilgen.

Amanat qyp izgilikti tastaǵasyn,
Jánnatqa týra jol bop bastaǵasyn.
Imansyz ben dinsizdiń kúnin keshpeı,
Musylmandar ıslamdy tastamasyn.

Allanyń qudireti ǵajap basqa,
Aıtqan sózin amal etip jaratpasqa,
Muhammed esiminen mór basylyp,
Esiminiń árbireýin qalap tasqa.

Nege biz joldy ózi jańartpasqa,
Qubylaǵa júzimizdi qaratpasqa.
Paıǵambardaı bolǵyń kelse sózin asyl,
Al baýyrym, amalyńdy sanap basta.

Rasýlýlla mineziń quran bolǵan,
Jamandyqtan jaqsylyq qorǵan bolǵan.
Sahabalar ár kezde jaýǵa shapsa,
Paıǵambar ýahı sózi uran bolǵan.

Mineziń pák kirshiksiz taza tunyq,
Eshqashan kórsetpegen ada qylyq.
Sońǵy elshige uqsaıyq baýyrlarym,
Eshqashan jamandyqqa bolma qunyq.

Taıap keledi, taıady zaman aqyr,
Izgilikke biz jetemiz qara da tur.
Qııametpen týylǵan Rasýlýllah,
Senimen máńgi úmmetiń qalady aqyr.

Nadandy bizden alyp aqyl etken,
Qorqynysh úreı alǵan aqyretten.
Alladan qoryqqanda shashy aǵaryp,
Qas dushpany «Laımǵa» batyr etken.

Saǵynbadyq, nege kókirek ımansyz ba?
Shaıtan láım júrekke mórin syzba.
Rasýlýllany saǵynbaý ımansyzdan,
Kúnáni sharasynan jıǵansyz ba.

Rasýlýlla bizderge jolbastaýshy,
Qorqyńdar bar eken bir jazalaýshy.
Zikirdi, salaýatty kóp aıtaıyq,
Ol sondaı! Kedeı, baı dep qaramaýshy.

Al endi hosh elshi qoshtasaıyq,
Jánnatta tek senimen dostasaıyq.
Aqyretke deıin máńgi saǵynamyz,
Oǵan deıin aqyrettik dos tabaıyq,
Qosh bol elshim! Qoshtasaıyq.