TYNYShTYQ BAR...
Keıde adamǵa kúshtiń kóptigi emes,
kóńilge qonymdy tynyshtyq kerek.
Arǵa tımeıtin, júrekti jaralamaıtyn,
jan dúnıeni tozdyrmaı saqtaıtyn tynyshtyq.
Ómir – ár shaıqasqa túsetin maıdan emes.
Zııan keltirgenniń bárine tóze berý – mindet emes.
Jaqsy ekenimizdi dáleldeımiz dep synýǵa,
adaldyǵymyzdy kórsetemiz dep qor bolýǵa,
súıemiz dep syıdan aıyrylýǵa tıisti emespiz.
Adamnyń ózine ǵana tıesili shekarasy bar.
Sol shekarany saqtaı bilý – álsizdik emes,
óz qadirin bilgenniń belgisi.
TYNYShTYQ BAR:
– jaýap qatpaı óte shyǵýda — arly adam daýǵa túspeıdi;
– ótkendi qazbalamaýda — keı jara qaıta tyrnalsa, qanaıdy;
– qalý qorlyqqa aınalsa, ketýde;
– usaq-túıekke mán bermeýde — jannyń baǵasy qymbat;
– shyndyqty aıtýda — kótere almaǵan ketse de;
– ózińe jatty, sulý kórinse de, qabyldamaýda;
– qadirińdi aıaqqa taptaǵanǵa shek qoıýda;
– jandy júdetken qarym-qatynastan alystaýda;
– keı joldyń sońyna jetý buıyrmaǵanyn moıyndaýda;
– jurttyń bárine jaǵamyn dep jandy sarqyp almaýda;
– artyq sózden tyıylýda;
– keshirýde — álsizdikten emes, júrektiń keńdiginen;
– qýatty únsiz urlaǵannyń bárinen irge ajyratýda;
– kúmándi tyıa bilip, Qudaıǵa táýekel etýde;
– ózińmen ońasha qalýda;
– bir ret keshirip, ekinshi ret qorlatpaýǵa bekinýde;
– túsingisi kelmegenmen daýlaspaýda;
– qadiriń ketse, ketýdi tańdaýda;
– Alla razy bolmaıtyn, júrekke jat nárseden boıdy aýlaq salýda;
– ózińdi tańdaýda, kiná seziminsiz;
– ádeıi kemsitkendi elemeýde;
– túsingisi kelmegenge túsindirmeýde;
– beıbereket ákelgen esikti jabýda;
– ár sózge jaýap qatpaı óte shyǵýda;
– jandy qorlaǵan ortadan góri jalǵyzdyqty tańdaýda;
– óz qunyńdy bilip, saýdalamaýda;
– ólgendi tiriltemin dep áýre bolmaı, qajytqandy doǵarýda;
– syı kórmegen jerden ketýde;
– jarty sezimge, jarty yqylasqa kónbeýde;
– júregińdi qorǵaýda — bireýge qatal kórinseń de.
TÚIIN:
Bul – qataldyq emes.
Bul – qashý da emes.
Bul – ózin syılaı bilgen adamnyń tańdaýy.
Tynyshtyq – álsizdiń emes,
esti jannyń,
júregin baǵalaýdy úırengen adamnyń joly.
Osy tynyshtyqty tańdaı bileıik.
Abdulakhad Smanov
