ÚMBETEI JYRAÝDYŃ BUQAR JYRAÝǴA AITQANY

Úı syrtynda arqa taý,

Panasy eger joq bolsa,

Bul shirkinniń nesi taý?!

Ketegen bolsa, túıeń jaý,

Tebegen bolsa, bıeń jaý,

Urysqaq bolsa, ulyń jaý,

Keriskek bolsa, keliniń jaý.

Úıińdegi ulyń jaman bolsa,

Esiktegi qulmen teń.

Qoıynyńdaǵy qatynyń jaman bolsa,

Qańtardaǵy muzben teń.

Keı sorlynyń qatyny

Kúndiz aýrý, túnde saý, -

Arqańa artqan tuzben teń!

Sál bógelip baryp:

Jylǵa saı batpaq bolsa, óte almassyń,

Jastan shyqqan júırikke jete almassyń.

Dúnıeniń júzinde osy qıyn -

Jaman dep óz úıińnen kete almassyń.

Báıbisheń aıý bolsa, asa almassyń,

Qaraý bolsa, áı deýge bata almassyń.

Meımanǵa otyń basy bolsa sýyq,

Elińe jaqsy jigit atanbassyń.

Qosaǵyń qosa aǵarmas qosaq eken,

Qudaıym osylaı da qosady eken.

Toty qus jarqanatqa pende bopty,

Buqarym, aıtar miniń osy-aq eken.