ZAŃ MEN TÁRTIP - MUSYLMANǴA MINDET!
Alla Taǵala Qasıetti Quranda: «Ýa Iman keltirgender! Allaǵa,onyń paıǵambarlaryna jáne aralaryńnan shyqqan basshylarǵa moıynsunyńdar!» (Nısa súresi 59 aıat) delinedi. Demek, dinde haos joq. Qoǵamdyq birlik pen yntymaqty saqtaý úshin tártipke baǵyný basty másele. Qazaq halqynda: «Eki aqqýdyń biri basshy!» degen mátel bar. Iaǵnı eki adam bolsa da bireýi ekinshisine moıynsunatyn bolsa kóptegen máseleler ońaı sheshiledi.
Aramyzda dinniń úkimderi men talaptaryna qarsy qoıýǵa tyrysyp túsinbestik týdyrýshylar óz kezeginde dindarlardy memleketke qarsy qoıýǵa talpynady. Dindarlardyń arasynda olar ózderin sharıǵat talaptaryna adal ekendigin kórsetýge tyrysqanymen, nátıjesinde asyl dinimizge kóptegen adamdardyń qarsy bolýyna, musylmandardyń arasyna jik salýǵa jol beredi.
Quran Kárimde: Ata-analaryńmen, týǵan-týysqandaryńmen, jetimdermen, qamqorlyq qajet bolǵan adamdarmen, alys-jaqyn kórshilerińmen, dostaryńmen, qol astyndaǵy qyzmetkerlerińmen jaqsy mámilede bolyńdar!» (Nısa súresi, 36 aıat) deıdi. Iaǵnı barlyq adamı qatynastar belgili bir tártipke negizdelýi tıis. Ózim bilemdik, absolıýtti demokratııa, anarhııa týdyrady. Al arazdyq bolǵan jerde, qaıshylyq bolǵan jerde, anarhııa bolǵan jerde bereke bolmaıdy. Tipti memlekettiń tarıhynda da sol memlekettiń ydyraýyna sebep bolǵandyǵyn kóremiz. Ár eldiń, ár dinniń, ár ortanyń, ár mekemeniń, tipti ár otbasynyń ózindik talaptary bolady jáne bul oryndy dúnıe.
Uly dalanyń ǵasyrlar boıy qalyptasqan ózindik salt-sanasy, turmys-tirshiligi, dúnıetanymymen úndestiktiń saqtalýy. Bul kóptegen sharıǵı, dinı talaptardyń dala zańymen úndesýinde úlken ról atqarǵan halyqtyń radıkaldy dinı ustanymnan aýlaq bolýy jatyr. Memleketimizdiń zańdary barshaǵa ortaq múddege negizdeledi. Sondyqtan, Allaǵa shúkir qazirde elimizde meshitterimizdiń sany artyp, musylmanshylyq joldy ustanýshylardyń qatary kún sanap kóbeıip keledi. Bul da zań boıynsha berilgen dinı-senim bostandyǵy men dástúrli dinimizge degen qamqorlyqtyń bir kórinisi deýge bolady. Baýyrjan Momyshuly: «Tártipsiz el bolmaıdy, tártipke baǵynǵan qul bolmaıdy!» deıdi. Elimiz aman, jurtymyz tynysh bolǵaı, Jaratqan el azamattaryna, qazaq halqyna jar bolsyn! Jumamyz berekeli bolǵaı!
Keńshilik TYShHAN
