Jeksenbaı Qaıypuly

1972 jyly 5-naýryzda Monǵolııa Baı-Ólke aımaǵynda dúnıege kelgen. 1994-1999 jyldary TsEngEl sumynyndaǵy Nur-Islam meshitinde ustaz,1999-2011 jyl aralyǵynda osy meshitte ımam qyzmetterin atqara júrip 2002-2008 jyldary aýyldyq  AÓQ-ynyń basqarma músheligine saılanǵan. 2011 jyldan Rýhanııat tolyq orta mektebiniń dırektory qyzmetin atqaryp keledi. 

Rahym nury

Haq ıeniń jetkizgen Uly Daýysyn,
Kóńilge kún, júrekke jyly maýsym.
Haq Elshiniń tógilip shapaǵaty,
Úmmetine Allanyń nury jaýsyn.

Júrekte ımanı gúl turady arman,
Shaqyryp máńgilikke shýaq aldan.
Shyǵamyn eljirep bir bula arnadan
Esimiń atalǵanda munaradan.

Shapaǵatshy Ol, úmmetke ǵarasatta.
Sardary Ol, ámir berer dara sapqa.
Ustazy Ol, jol kórsetken bolashaqqa,
Padısha Ol, ǵylymmenen parasatqa.

Ol degende júrek joq selt etpegen.
Rýhyń nurǵa shomyp eltet deneń,
Sárýár-dep sarǵaıǵan saǵynyshtar,
Kózderden jas bop qular móltektegen.

Arman tunǵan, nur asqar beldi kórem,
Jaryq sáýle tek sodan endi der em.
Ábil-haıat tamshysy odan tamǵan,
Tańǵy shyqtaı, tap-taza móldiregen.

Saqta Alla!
Adam emes pende etýden,
Tappaspyz ondaı nurdy jer betinen.
Rahym Paıǵambary meıriminiń,
Kóńilder pák kúıimen terbetilgen.

Júrekterden tógilgen móldir óleń
Ár kóńilde tý bolyp jelbiregen
Paıǵambar raýzasy ústindegi,
Medıneniń aspany eljiregen.

Aqıqat  armanmenen shaǵylysqan
Júrekterden mahabbat jalyny ushqan
Saharanyń aspan  sarǵysh tartqan
Sahabalar sarǵaıǵan saǵynyshtan

Uly Allanyń ulasyp dárhaqyna
Uly isi úlgi bop qaldy artyna
Adamzattyń aınaldy ónegesi
Rýhanı sýsaýdyń shárbatyna

Imannyń esip máńgi jyly ushqyny.
Tasıdy rýh nury,
Yrys quny
Búlkildep...
Basqan jeri Paıǵambardyń
Úlpildep...
Turar júrek tynyshtyǵy