Jer ony qabyldamaıdy

04 qańtar 2019 1334 0
Оqý rejımi

Nájjar uldarynan bir hrıstıan bar edi. Alǵashynda musylmandyqty qabyldap, «Baqara» jáne «Álı Imran» súrelerin oqyp júredi. Paıǵambarǵa (s.ǵ.s.) ýahı jazyp beretin*. Sol kisi keıinnen qaıtadan hrıstıandyqqa qaıtyp: «Muhammed eshteńe bilmeıdi. Tek meniń jazyp bergenderimdi ǵana biledi» degen sózderdi tarata bastaıdy. Ol ólgen soń hrıstıandar ony jerleıdi. Alaıda, jurt erteńine onyń denesin qabirdiń syrtqa shyǵaryp tastaǵanyn kóredi.

Sonda hrıstıandar: «Bul – Muhammed pen sahabalarynyń isi. Ózderinen ketken soń bul baýyrymyzdyń kebinin sheship, denesin dalaǵa tastap ketti», – dep jala jabady. Tereń shuńqyr qazyp, ony sol jerge kómedi. Biraq, erteńine ony jerdiń taǵy da syrtqa shyǵaryp tastaǵanyn kóredi.

Hrıstıandar buǵan taǵy da musylmandardy aıyptaıdy. Bir jerden taǵy da shuńqyr qazady. Bar kúshterin salyp tereńdetip qazady. Biraq, erteńine deneniń taǵy da syrtta jatqanyn kóredi. Sonda hrıstıandar bul isti adamdardyń jasamaǵanyn túsinip, máıitti kómýsiz qaldyrady. Haziret Paıǵambar (s.ǵ.s.) bul kisi ólgen kezde: «Jer ony qabyldamaıdy», - dep eskertken eken.

*Ardaqty Muhammed paıǵambarymyz (s.ǵ.s.) ózine túsken aıattardy keıbir saýatty kisilerge jazǵyzatyn. Jalpy sany qyryq shaqty sondaı kisiler paıǵambarǵa túsken ýahılardy jazý arqyly aıattardyń saqtalýyna atsalysqan. Oqıǵada sondaı qurmetti deńgeıde bolǵan bir kisiniń keıinnen ózge dinge ótkeni baıandalǵan.

Pіkіrler Kіrý