Joldas Erdáýlet Nýrıddınuly

1998 jyly 21-sáýirde qazirgi Túrkistan oblysy, Jetisaı qalasynda dúnıege kelgen.  Qazirgi tańda «Saryaǵash medrese» kolledjiniń 1-kýrs stýdenti.

Paıǵambar joly

Qalam alyp qolyma,
Júrekten jyr jazaıyn.
«Bısmıllá» dep endeshe,
Óleń jazyp bastaıyn.

Jazyp jatqan óleńim,
Ómir baıany Sardardyń.
Ýahı tústi alǵash ret,
Irgesinde Qaǵbanyń.

Sardar degen kim deseńiz,
Ol paıǵambar Muhammed.
Ýa, Allam, ol kisige,
Sálemińmen rahym et.

Paıǵambarlyq kelgende,
Qarsy shyqty óz eli.
«Lá ıláhá ılallah»
Aıtatyn sózi osy edi.

Kóp qudaıshyl múshrikter,
Moıyndamaı Allany.
Qarsy shyqty bári de,
Óltirmek bolyp Sardardy.

Iske aspaı oılary,
Esi shyqty báriniń.
Qarsy shyǵyp paıǵambarǵa,
Jeńe almady báribir.

Tar jol-taıǵaq keshti ol,
Jylady ol biz úshin.
Kúresti Alla jolynda,
Allanyń asyl dini úshin.

Jaratqannyń haq dinin,
Jetkizsem dep bizderge.
Islam dinin sharshamaı,
Nasıhattady kóp elge.

Islam dinin qabyldaǵan,
Múminder de kóp boldy.
Soǵysýǵa daıyn bolyp,
Eńsesin ustap tik turdy.

Paıǵambardyń janynda,
Sahabalary kóp edi.
Olar tiri turǵanda,
Almaǵan beles joq edi.

Kúni-túni duǵada,
Jánnát tilep bizderge.
Dıdary onyń nurly edi,
Shyn qaraǵan kózderge.

Úmmetterin oılady,
Jatsadaǵy tursa da.
Bárine de shydady,
Dushpandary ursa da.

Qoryqpastan taratty,
Islam dinin kóp jerge.
Jaratqannyń qalaýymen,
Jetti,mine bizderge.

Razylyǵy úshin Allanyń,
Ómirin bizge arnady.
Ulyq dinmen álemge,
Beıbitshilik ornady.

Bizder úshin kúresken,
Ol Allanyń habıbi edi.
Qııamet kúni paıǵambarmen,
Birge bolsaq ıgi edi.

Qaldyrdy ol bizderge,
Quran menen súnnetin.
Paıǵambarymyz Muhammed,
Oılady árkez úmbetin.

Ár musylmannyń úıinde,
Alla bergen bereke bolsyn.
Haq elshisi Muhammedke,
Jaratqannyń sálemi bolsyn.