Jumabekuly Muqııat

1997 jyly 19-qazanda Qytaı Shyńjań avtonomııasy, Buratala qalasy, Araltoǵaı aýylynda dúnıege kelgen. Qazirgi tańda Aqmola oblysy,  Qosshy aýylyndaǵy «Qaýam ad-Dın ál-Itqanı ál-Farabı at-Túrkistanı» respýblıkalyq qarılar daıarlaý Ortalyǵynda bilim alýda.

Paıǵambarlar padıshasy

Qaıta kelmes nar tulǵa, batyr, bek te,
Súıikti qul dúnıe, aqyrette.
Sárýar qolbasshyǵa myń salaýat,
Alladan sálem bolsyn Ahmedke.

Bal-bul jansań shyǵady túrlenip kún,
Ónegeńnen súısingen túrge enippin.
Burynǵylar armanda ótken eken,
Úmbetiń bop, shúkirlik, úlgerippin.

Adamzatqa súnnet pen teńdep Quran,
Jol kórsettiń, amalǵa eńbek qylam.
Tym bolmasa túsime enińizshi,
Meıirimińe Habıbi shóldep turam.

Kórsettińiz synaqtyń sabyryn siz.
Qıyndyqta qaıyspaı arydyń júz,
Ashabyńa aıtypsyz saǵyndym dep,
Siz saǵynǵan bolashaq baýyryń biz.

Nadandyq dáýirimen toǵylystyń,
Qaıyr etti Bir Alla sońyn istiń.
Ibilistiń izinen adamzatty,
Aman ettiń sultany bolymystyń.

Tórtkúl elge jaıylǵan ámirligiń,
Súnnetiń úmbetińe tálim búgin.
Jýan bıler jolyqsa, saǵyntady,
Qara qyldy qaq jarar ádildigiń.

Pasyqtyq patshalyqtar teńseldi tez,
Baqyt ǵasyr siz bolǵan órkendi kez.
Qarańǵy júrekterge shýaq tókken,
Múbárak jyly júziń kórkem minez.

Qulshylyǵyń jalǵasqan tańnan-tańǵa,
Padısha kelgen barlyq paıǵambarǵa.
Tabanyń tıgen jerdi kózben kórsem, 
Ómirde odan artyq arman bar ma ?!

Bar musylman jumaqta jıylsa eken,
Múminderge káýsaryń quıylsa eken.
Rahmannyń raqymy jaýyp bizge,
Asyl táj shapaǵatyń buıyrsa eken.