Jyndar men qara sıqyrdan qorǵanýdyń 15 joly

31 qazan 2019 10571 0
Оqý rejımi

1. QURMA

Shamańyz kelgenshe, tańerteńgi ýaqytta kez kelgen tamaqtyń aldynda jeti syǵymdalǵan qurma jep turyńyz. Onyń Mádınadan ákelingen qurma bolǵany abzal. Oǵan múmkindik bolmasa, kez kelgen syǵymdalǵan qurmany jeı berińiz. Paıǵambarymyz (s.ǵ.s.) bylaı degen: «Kún saıyn tańerteń tamaqtyń aldynda jeti syǵymdalǵan qurma jeıtin adamǵa ýdyń da, sıqyrdyń da zarary tımeıdi!»[1]

2, DÁRETPEN JÚRÝ

Dáretpen júrgen adamǵa sıqyrdyń áseri bolmaıdy. Óıtkeni, ony Raqymdy Alla jibergen perishte qorǵap turady. Ibn Abbas (r.a.) rıaýıat etken Paıǵambarymyzdyń (s.ǵ.s.) bylaı degenin rıýaıat etedi: «Denelerińdi jýyńdar, sonda Alla (Azza ýal djalıa) senderdi tazartady. Dáretpen jatqan quldy perishte qorǵap turady; ol tóseginde jatyp qımyldaǵan kezde sol perishte: «Ia, Alla! Osy pendeńdi keshire gór. Sebebi, ol pák halde jatty», - deıdi».[2]

3. JAMAǴATPEN NAMAZ OQÝ

Meshitte oqylǵan namaz musylmandy shaıtannan qorǵaıdy, al, oǵan nemquraıly qaraǵan adamdy shaıtan bılep alady. Eger shaıtan adamdy bılep alsa, ol adamǵa sıqyrmen jáne basqa da qolynan keletin nárselermen zııanyn tıgizedi.

Ábý Dárda (r.a.) rıýaıat etken: «Men Paıǵambardyń (s.ǵ.s.) bylaı degenin estidim: «Meıli, qalada bolsyn, meıli, aýylda bolsyn, jamaǵatpen namaz oqymaǵan úsh adamdy shaıtan jeńedi. Jamaǵatpen birge bolyńdar. Qasqyr úıirinen qalyp qoıǵan jalǵyz qoıǵa shabýyldaıdy».[3]

4. QIIaMÝ ÁL-LÁIL (TÚNDE QOSYMShA NAMAZ OQÝ)

Sıqyrdan qorǵanǵysy keletin adam túngi ýaqytta namaz oqýy qajet. Buǵan nemquraılyqpen qaraý shaıtannyń adamdy ózine baǵyndyrýyna jol ashady. Eger ol óz degenine jetse, sizdiń tósegińiz sıqyrdyń yqpalyndaǵy oshaqqa aınalady. Ibn Masýd (r.a.) bylaı degen: «Paıǵambardan (s.ǵ.s.) Qııamýl-Láılge turmaı, tań namazyna deıin uıyqtaǵan adam jaıly suraǵanda, ol shaıtannyń sol adamnyń qulaǵyna dáret syndyryp ketkendigin aıtqan».[4] Saıd ıbn Mansýr jetkizgen: «Ibn Omar (r.a.) bylaı degen: «Eger kimde-kim tańerteń útir namazyn oqymastan oıanatyn bolsa, tańerteń onyń basyna uzyndyǵy jetpis shyntaqpen teń arqan baılanyp turady».[5]

5. ISTIA’DAH – ÁJETHANAǴA KIRETIN KEZDE ALLADAN (ÁZZA ÝÁ DJÁALLÁ) PANA SURAÝ

Musylman adam ájethanaǵa kirerde Alladan (Ázza ýá Djáallá) pana tileýi tıis. Óıtkeni, shaıtan musylmanǵa kesirin tıgizý úshin jyn-shaıtandardyń mekeni bolyp tabylatyn las oryn - ájethanaǵa kirgen kezin paıdalanady. Birde jyn maǵan bir adamnyń ishine kirip ketkenin aıtty. Óıtkeni, ol adam ájethanaǵa kirerde Alladan pana tilemegen. Soǵan qaramastan, ony sol adamnyń ishinen shyǵarýǵa Alla maǵan qoldaý kórsetti. Onyń ústine, bir jyn maǵan olardy baǵyndyrý úshin Allanyń (Ázza ýá Djáallá) bizge kúshti qarý bergenin, biraq, bizdiń ony paıdalanbaıtynymyzdy aıtty. Onyń ne ekenin suraǵanymda, ol: «Paıǵambardyń (s.ǵ.s.) bizge aıtqan duǵalary», - dedi.

Paıǵambardyń (s.ǵ.s.) ájethanaǵa kirerde myna duǵany aıtqany senimdi tizbekpen jetkizilgen: «Allahýmma ınnı a'ýzý bıka mınal-hýbsı ýal-habaısı (Ia, Alla! Er jáne áıel jyn-shaıtandardan ózińe syıynamyn)»[6].

6. NAMAZ OQYMAS BURYN ALLADAN (ÁZZA ÝÁ DJÁALLÁ) PANA TILEÝ

Djýbaır Ibn Mýtım Paıǵambardyń (s.ǵ.s.) bylaı degenin rıýaıat etken: «Allahý akbarý kabıra, ýalhamdýlıllıahı kasıra, ýa sýbhanAllahı býkratan ýa asylıa» úsh ret jáne «Aýzý bıllıahı mına shaıtanı radjımı mın nafkhıhı ýa nafsıhı ýa hamzıhı» (Alla (Ázza ýá Djáallá) Asa Uly, barlyq maqtaý-madaq Allaǵa laıyq, Alla erteli-kesh kemshilik ataýlydan pák. Shaıtannan: ol ýás-ýástaıtyn tákapparlyqtan, onyń sasyq deminen jáne silekeıinen (shaıtannyń arbaýy meńzelip tur) jáne onyń aqyldan azdyratyn azǵyrýynan Allaǵa syıynamyn)[7].

7. NEKEGE TURǴAN BOIDA ÁIELIŃDI SIQYRDAN QORǴAÝ

Neke kelisimin jasaǵan boıda onyń mańdaıyna oń qolyńyzdy qoıyp, bylaı deńiz:

«Allahýmma ınnı asalıýka haıraha ýa haıra ma djalabtaha aleıhı ýa aýzý bıka mın sharrıha ýa mın sharrı ma djabaltaha aleıhı» (Ia, Alla! Rasynda, men Ózińnen onyń ıgiligin ári Sen ony ne úshin jaratqan bolsań sonyń ıgiligin suraımyn jáne onyń kesirinen Ózińe syıynamyn).[8]

8. JUBAILYQ ÓMIRDI NAMAZDAN BASTAÝ

Abdýlla ıbn Masýd (r.a.) bylaı degen: «Neke túninde, ıaǵnı, nekege turǵannan keıin alǵashqy túnde jaqyndaspas buryn eki rákaǵat namaz oqyńyz, áıelińizdi de artyńyzǵa turǵyzyp, sizge uıýyn jáne kelesi duǵany aıtýyn ótinińiz: «Allahýmma barık lı fı ahlı, va barık lıahým fııı. Allahýmma-ıdjma’ beınana ma djama’ta bı-haır, va-farrık beınana ıza farrakta ılıa haır» («Ia, Rabbym! Maǵan áıelimdi berekeli qyla gór jáne meni oǵan berekeli qyla gór. Ia, Rabbym! Bizdi biriktirdiń, ıgilikte biriktire gór.  Eger ajyratsań, bizge ıgilikte ajyrata gór»).[9]

9. JYNYSTYQ QATYNAS KEZINDE ShAITANNAN QORǴANÝ

Ibn Abbas (r.a.) Paıǵambarymyzdyń (s.ǵ.s.) bylaı degenin rıýaıat etken: «Eger jaqyndaspas buryn myna duǵany oqyp, sol jaqyndyqtan bala dúnıege keletin bolsa, shaıtan ol balaǵa eshqashan zııanyn tıgize almaıdy: «Allahýmma djannıbna ash-shaıtana ýa djannıb ash-shaıtana ma razaktana» (Ia, Alla, bizden shaıtandy aýlaq et, ári bizge násip etetin (perzentten de) shaıtandy aýlaq et).[10]

9. UIYQTAR ALDYNDA DÁRET ALÝ, AIaTÝL KÝRSIDI OQÝ.

Uıyqtar aldynda dáret alyńyz, tósekte otyryp, Aıatýl Kýrsıdi oqyp, Allaǵa duǵa qylyńyz. Shaıtannyń Ábý Hýraıraǵa (r.a.) bylaı degeni senimdi tizbekpen jetkizilgen: «Uıyqtar aldynda Aıatýl Kýrsıdi oqyǵan adam Allanyń (Ázza ýá Djáallá) panasynda bolady jáne túni boıy tań atqansha shaıtan oǵan jolamaıdy». Paıǵambar (s.ǵ.s.) osy sózderdi rastap, Ábý Hýraıraǵa (r.a.) bylaı degen: «Shaıtan ótirikshi bolsa da, saǵan shyndyqty aıtty».[11]

10. LÁÁ ILÁÁHÁ ILLÁ ALLAH

Tań namazynan keıin: «Lıa ılıaha ıllıa-Llah ýahdahý lıa sharıkalıah, lıahýl mýlký ýa lıahýl-hamdý ýa hýýa alıa kýlı shaı-ın kadır» dep 100 ret aıtyńyz. Paıǵambar (s.ǵ.s.) «Osyny aıtqan adam 10 quldy azat etkenmen teń saýapqa keneledi, onyń amal kitabyna on ıgi amal jazylady, on zulym amaly óshiriledi jáne bul duǵa ony tańnan keshke deıin shaıtannan qorǵaıdy. Osy duǵany odan da kóp aıtqan adamdy qospaǵanda, ol adamnan artyq eshkim bolmaıdy».

11. MEShITKE KIRÝ

«Aǵýzý bı-Llıahı-l-'Azymı, va bı-vadjhı-hı-l-Kıarımı va sýltanı-hı-l-kadymı mın ash-shaıtanı-r-radjımı». (Uly Allaǵa, Onyń ardaqty Dıdaryna jáne Onyń ejelden máńgi bıligine laǵynetke ushyraǵan shaıtannyń azǵyrýynan syıynamyn). Paıǵambardyń (s.ǵ.s.) meshitke kirmes buryn bylaı degeni belgili: «Musylman adam osy duǵany aıtqan saıyn shaıtan: «Ol kúnniń qalǵan bóliginde menen qorǵanyshta bolady».[12]

12. DUǴA

Myna duǵany tańerteń jáne keshki ýaqytta úsh ret qaıtalap júrińiz: «Bısmıllahı llazı la ıazýrý maa ısmıı shaıýn fıl arzı va la fı ssamaı va hýýa samı ýl alım». (Allanyń atymen, Onyń aty atalǵanda Jer men Kóktegi eshteńeniń kesiri tımeıdi jáne Ol – bárin Estýshi, bárin Bilýshi).[13]

14. ÚIDEN ShYǴAR KEZDE

Úıden shyǵatyn kezde: «Bısmıllıahı taýakkaltý alıa Allahı lıa haýlıa ýalıa kýýata ıllıa bıllıahı» deńiz. Siz osy duǵany aıtqanda, sizge (ózińiz bilmesten) bylaı delinedi: «Men seni qorǵap, saqtadym». Shaıtan sizdiń qasyńyzdan ketip, basqa bireýge: «Qorǵalǵan jáne saqtanǵan adamǵa ne isteı alamyn», - deıdi.[14]

15. TAŃERTEŃ JÁNE KEShKILIK:

«Aýzý bıkalımatı Allahı at-tammatı mın sharrı ma halak» deńiz.[15]

 


[1] Buharı, 10/249, Medıtsına kitaby, taraý: Ájýanyń kómegimen sıqyrdy emdeý.
[2] Ál-Aýsatta Át-Tabaranı jetkizgen. Át-Targıb: 2/13
[3] Buharı, Fath ál-Barı 3/34 jáne Mýslım, Án-Naýaýı 6/63
[4] Ábý Dáýid: 1/150 (jetkizý tizbegi jaqsy).
[5] Ál-Hafızdiń aıtýynsha, munyń jetkizý tizbegi óte jaqsy. Fath: 3/25
[6] Buharı, Fath ál-Barı, 1/292 jáne Mýslım, Án-Naýaýı, 4/70.
[7] Ábý Dáýid.
[8] Ábý Dáýid
[9] Tabaranı
[10] Buharı, Fath ál-Barı,1/291.
[11] Buharı, Fath ál-Barı, 6/338 jáne Mýslım, Án-Naýaýı, 17/17.
[12] Ábý Dáýid, 1/127.
[13] Tırmızı: 5/133.
[14] Ábý Dáýid, 4/325 jáne Tırmızı, 5/154.
[15] Mýslım, Án-Naýaýı: 17/32.

Pіkіrler Kіrý