1500 OTBASYǴA «RAMAZAN QORJYNY» TARATYLDY (FOTO)
Búgin QMDB Astana ókildigine qarasty «Zeket jáne qaıyrymdylyq» qory «YDA» qurylys kompanııasymen birlese otyryp, «Ramazan qorjyny» qaıyrymdylyq aktsııasyn uıymdastyrdy. Izgilik aktsııasy aıasynda Elordanyń ortalyq meshiti – «Áziret Sultan» meshitinde áleýmettik az qamtylǵan otbasylarǵa azyq-túlik jıyntyǵy taratyldy. Qaıyrymdylyq aktsııasyna qala bas ımamy Erbolat Nuryldauly qatysyp, ıgi sharanyń maqsatyn atap ótti. QMDB Zeket jáne qaıyrymdylyq qorynyń dırektory Maqsatbek Qaıyrǵalıev Astana meshitteriniń qyzmetkerlerine atalǵan aktsııanyń mańyzdylyǵyn túsindirip, «Ramazan qorjynyn» alýǵa kelgen otbasylardy Ramazan aıymen quttyqtady.
«Áziret Sultan» meshitinen 150 otbasyǵa «Ramazan qorjyny» berilse, qalǵan bir bóligi Astana meshitterinde taratyla bastady. Sondaı-aq, azyq-túlik dorbasy Elordadaǵy medreseler men qarılar ortalyǵyna da tabystaldy. Qasıetti aıda berilgen «Ramazan qorjyny» meıirim aıynda 1500 otbasynyń kóńiline shýaq syılady.
Jıyn barysynda ıgi sharaǵa demeýshilik bildirgen «YDA» qurylys kompanııasynyń Qazaqstandaǵy ókili Adem Qarakóz sóz sóılep, kompanııa basshylary Hýseın Arslan men Jýneıd Arslannyń sálemin jetkizdi.
QMDB Zeket jáne qaıyrymdylyq qorynyń Astana qalasy boıynsha jaýapty mamany Mereı Qanatuly Bas múftı Naýryzbaı qajy Taǵanulynyń tapsyrmasyna saı ótken qaıyrymdylyq aktsııasy Ramazan sońyna deıin jalǵasatynyn atap ótti.
