27-shildede Nur-Sultan qalasynda #Birge #TazaQazaqstan Ekologııalyq aktsııasy ótedi
27-shildede Nur-Sultan qalasynda #Birge #TazaQazaqstan qalalyq Ekologııalyq aktsııasy ótedi. Aktsııa aıasynda áýejaıdan Qaraǵandy tasjolyna deıingi aınalma jol boıyndaǵy Esil jáne Qarasý ózenderiniń jaǵalaýy tazalanady. Osyǵan oraı, qala ákimdigi elorda turǵyndaryn, eriktilerdi, qoǵam qaıratkerlerin, Ekologııalyq belsendilerdi jáne barlyq múddeli adamdardy Ekologııalyq aktsııaǵa qatysýǵa shaqyrady.
Qatysýshylardy jınaý jáne avtobýstarǵa otyrǵyzý 9.00-de, B.Momyshuly dańǵyly 1, «Astana Music Hall» meıramhanasynyń turaǵynda ótedi. Aktsııanyń bastalýy 10.00-de.
Uıymdastyrýshylardyń aıtýynsha, aktsııaǵa 1000-nan astam adam qatysady dep josparlanǵan. Olardyń arasynda «ROP» JShS, Qazaqstannyń Ekologııalyq uıymdarynyń qaýymdastyǵy, BUUDB, «Jas Otan» eriktileri, Nur-Sultan qalasy ákimdiginiń barlyq basqarmalarynyń qyzmetkerleri, sondaı-aq jastar uıymdarynyń ókilderi bolmaq.
Esterińizge sala keteıik, 20-shilde kúni Qazaqstan Respýblıkasy Ekologııa, geologııa jáne tabıǵı resýrstar mınıstrliginiń qoldaýymen Nur-Sultan qalasynda qoqys jınaýǵa arnalǵan Ekologııalyq aktsııa ótken bolatyn. Qoıandy sý qoımasynda ótken #Birge #TazaQazaqstan Ekologııalyq aktsııasy 1200-den astam adamdy qamtyp, qoıma jaǵasy 10 tonnadan astam qoqystan tazartylǵan edi. Atalmysh sharaǵa respýblıkalyq «Áziret Sultan» meshitiniń qyzmetkerleri men «Rýhanı jastar» qanatynyń eriktileri de belsene atsalysyp, tabıǵat tazalyǵyna óz úlesterin qosyp qaıtqan bolatyn.
Nur-Sultan qalasynyń ákimdigi Ekologııa, geologııa jáne tabıǵı resýrstar mınıstrligimen elordanyń aınalasyndaǵy sý nysandaryn tazartýdyń asyl mıssııasyn jalǵastyrý úshin Ekologııalyq Estafeta aldy jáne 2019 jyldyń 27 shildesinde Ekologııalyq tazartý formatynda aktsııa ótkizedi.
