«30 KÚNDE 30 BASPANA»: USTAZDARǴA QYZMETTIK PÁTER BERILDI (FOTO)
QMDB «Zeket jáne qaıyrymdylyq» qorynyń bastamasymen «30 kúnde 30 baspana» respýblıkalyq aktsııasynyń úshinshi baspanasy Aral qalasynda tabystaldy.
Qasıetti Ramazan aıynyń qurmetine oraı uıymdastyrylǵan ıgi bastamanyń kezekti sharasynda «Zeket jáne qaıyrymdylyq» qorynyń dırektory Maqsatbek Qaıyrǵalıuly respýblıka boıynsha 633-úıdiń kiltin Aral aýdandyq ortalyq meshitine tabystap, meshit janyndaǵy medreseniń enshisine qyzmettik páter retinde syılady. Iaǵnı, bul úı shákirt tárbıelep, bolashaq qarılardy Quran jattaýǵa baýlıtyn ustazdarǵa arnalǵan.
Aıta keteıik, berekeli aıdaǵy «30 kúnde 30 baspana» aktsııasy «El úlesi – páterge» respýblıkalyq jobasy aıasynda elimizdiń barlyq óńirinde ótkizilýde.
