ABAI-175: «Munara» gazeti baıqaýynyń jeńimpazdary anyqtaldy (FOTO)
Abaı Qunanbaıulynyń 175 jyldyǵyna oraı «Munara» gazeti jyl basynda avtorlar men oqyrmandar arasynda «Abaı sózi – urpaq temirqazyǵy» atty shyǵarmashylyq baıqaý jarııalaǵan bolatyn. Búgin baıqaýdyń jeńimpazdary anyqtaldy.
Baıqaýǵa elimizdiń barlyq aımaǵynan Abaı ómiri men shyǵarmashylyǵyna arnalǵan 58 shyǵarma joldandy. Shyǵarmalar arasynda zertteý jumystary, Esse, maqala, suhbat, tipti óleń de boldy.
Baıqaýǵa joldanǵan jumystardy QMDB Tóraǵasy, Bas múftı Naýryzbaı qajy Taǵanuly, belgili jýrnalıst, Senat depýtaty Nurtóre Júsip, ardager jýrnalıst Janbolat Aýpbaev, Eýrazııa ulttyq ýnıversıtetiniń prorektory, QR UǴA akademıgi Dıhan Qamzabekuly, Bas múftıdiń keńesshisi Baltabaı Mekejanov bastaǵan qazylar alqasy saralady. Nátıjesinde jeńimpaz 8 avtordyń jumysy iriktelip alyndy.
Birinshi oryn – Jandos Baqytbekuly
(Umra qajylyǵyna joldama)
Ekinshi oryn – Raqymjan Súıerqulov
(200 myń teńge)
Úshinshi oryn – Maralbek Ermuhamet
(100 myń teńge)
Budan bólek 5 adam yntalandyrý syılyǵyna (50 myń teńgeden) laıyq dep tanyldy. Olar – Ázimhan Isabek, Birjan Ahmer, Laýra Tastanbek, Qýanysh Serikov, Janna Dildebaeva.
Jeńimpaz shyǵarmalary «Munara» gazetiniń aldaǵy sandarynda jarııalanyp otyrady. Júldeli oryn ıegerlerine syılyqtaryn qaı ýaqytta, qalaı alýǵa bolatynyn qosymsha habarlaımyz.
Baıqaý jeńimpazdaryn quttyqtaımyz!
