«Ábý Bákir Syddyq» medrese-kolledjiniń dırektory taǵaıyndaldy
QMDB Tóraǵasy, Bas múftı Naýryzbaı qajy Taǵanulynyń buıryǵymen Pavlodar qalasyndaǵy «Ábý Bákir Syddyq» medrese-kolledjiniń dırektory bolyp Nurseıt Omarov taǵaıyndaldy.
Nurseıt Omarov 2003-2008 jyldary Pavlodar qalasyndaǵy Innovatsııalyq Eýrazııa Ýnıversıtetiniń Qazaq tili jáne ádebıeti mamandyǵyn bitirgen soń, qalalyq Ishki saıasat basqarmasynyń analıtıkalyq aqparat ortalyǵynda maman bolyp qyzmet atqardy.
2011-2014 jyldary «Ábý Bákir Syddyq» medrese-kolledjinde Islamtaný mamandyǵy boıynsha bilim alyp, oqýyn aıaqtaǵannan keıin osy medresede arnaıy pánder ustazy bolyp qyzmet istedi. 2015 jyly medrese dırektorynyń orynbasary, oǵan qosa 2016-2018 jyldary medrese janyndaǵy «Qasym qajy» meshitiniń bas ımamy qyzmetin atqardy. Sondaı-aq 2014-2016 jyldary Shet tilder jáne iskerlik karera ýnıversıtetinde bilimin shyńdap, Dintaný magıstri atandy.
Bilim jolynda da, eńbek jolynda da kórgen-túıgeni mol jańa basshy medrese-kolledj jumysyna serpin berip, tyń bastamalarǵa sebepshi bolady degen senimdemiz.
