Ahmet Baıtursynuly atyndaǵy meshit ashyldy (FOTO)
Musylman jyl sanaýynyń birinshi aıy Muharramnyń alǵashqy jumasynda ult ustazy Ahmet Baıtursynuly atyndaǵy jańa meshittiń ashylý rásimi ótti.
Alash arysynyń 150 jyldyǵyna oraı Almaty oblysy Qarasaı aýdanynyń Isaev aýylynda zaman talabyna saı boı kótergen qulshylyq ordasynyń ashylý saltanatyna oblys bas ımamy Madııar Pirimqulov qatysyp, QMDB Tóraǵasy Naýryzbaı qajy Taǵanulynyń quttyqtaýyn jetkizdi.
«Ult ustazynyń esimimen atalǵan jańa meshit el birligi men yntymaǵyna qyzmet ete bersin. Meshit – dinı ýaǵyz tyńdap, bilimin jetildirip, saýatymdy arttyramyn, ustazdan tálim alamyn degen musylmandar úshin tárbıe ordasy», – dep atap ótti ımam.
Sondaı-aq ol jamaǵatty shyn yqylasymen quttyqtap, aýyzbirshilik pen yntymaqqa shaqyryp, isterine sáttilik pen bereke tiledi. Alla úıine Quran Kárim jáne arnaıy syılyqty jańa ımamǵa tartý etip, meshittiń salynýyna úles qosqan kásipker azamattarǵa alǵysyn bildirdi.
Aıta keteıik, meshit 2019-2022 jyldar aralyǵynda aýyl halqynyń kómegimen salyndy. Meshittiń jalpy syıymdylyǵy – 500 adam. Dárishana jáne dárethana, kólik turaǵymen qamtylǵan.
