Ál-Azhar sheıhy men Rım papasy ortaq kelisimge otyrdy

06 февраль 2019 461 0
Оqý rejımi

Rım papasy Frantsısk pen áıgili Ál-Azhar ýnıversıtetiniń sheıhy Ahmad ál-Taııb terrorızm men zorlyq-zombylyqqa qarsy birlese jumys atqarý jóninde kelisimge qol qoıdy.

Atalmysh qujatta adam quqyqtary qorǵaý men qurmetke úndep, zorlyq-zombylyq pen dindi qarý etip paıdalanǵan Ekstermızm men terrorızmdi aıyptaǵan mátin jazylǵan. Qol qoıyp bolǵan din basshylary ózderine artylǵan jaýapkershilikti atqaryp, beıbitshilikti saqtaý men toleranttylyqty damyta túsýge yqpal jasaıtyndaryn jetkizdi.

Aıta keteıik, aqpan aıynyń 4-juldyzynda Rım Papasy BAÁ-ne óziniń alǵashqy saparyn bastaǵan bolatyn. Búgin ol Abý-Dabı stadıondarynyń birinde kezdesý ótkizetini josparlanǵan. Stadıonǵa 135 000 jan syıady.

Pіkіrler Kіrý