ÁL-AZHAR ShEIHYNYŃ QAZAQSTANǴA KELÝINIŃ QANDAI MAŃYZY BAR?
16 qyrkúıekte elordadaǵy Respýblıkalyq bas meshitte ál-Azhar sheıhy, Joǵarǵy ımamy sheıh Ahmed Taıyptyń juma ýaǵyzyn aıtatyny jóninde habarlaǵan bolatynbyz. Bul – el musylmandary úshin aıtýly oqıǵa. Al ál-Azhar sheıhynyń Qazaqstanǵa kelýiniń qandaı mańyzy bar?
Ál-Azhar sheıhy, Joǵarǵy ımam – ıslam jetekshileriniń eń joǵary ataǵy. Tarıhqa kóz salsaq, 1679-2022 jyldar aralyǵynda 50 din qaıratkeri ál-Azhardyń Joǵarǵy ımamy boldy. Alǵashqylary Muhammed ál-Harashı, Ibragım ál-Barmaýı, Muhammed an-Nashartı bolsa, 1980 jyldardan bastap Muhammed Ábdirahman Bısar, Djad ál-Hak, Mýhammad Saıd Tantaýı jáne Ahmed at-Taıeb bul ataqqa ıe boldy.
Sondaı-aq sheıh Ahmed Taıyp – Paıǵambarymyzdyń (oǵan Allanyń salaýaty men sálemi bolsyn) urpaǵy. Din qaıratkeri sańlaq sahaba Álı ıbn Ábý Tálip pen Fatıma anamyzdyń uly Hasannan (Alla barshasyna razy bolsyn) taraıdy.
Ahmet Taıyp 2010 jyly tarıhı turǵydan ıslam áleminiń negizgi bilim, ǵylym jáne rýhanı ortalyqtarynyń biri – ál-Azhardyń joǵarǵy ımamy atandy. Ári ol buryn ýnıversıtetti ózi de basqarǵan, sonymen qatar Mysyrdyń bas múftıi bolǵan.
Elorda turǵyndary men qala qonaqtaryn, barsha musylman jamaǵatyn aıtýly sharaǵa, ıaǵnı Islam áleminiń bedeldi tulǵasy aıtatyn juma ýaǵyzyna shaqyramyz. Bas meshitke kelýshi jamaǵatqa kólikpen kirý-shyǵý joldary tómendegi kartada naqty kórsetilgen.
