ÁL-AZHAR ShEIHYNYŃ ÝAǴYZYNA 20 MYŃNAN ASTAM ADAM QATYSTY (FOTO+VIDEO)
Búgin elordadaǵy Respýblıkalyq bas meshitte ál-Azhar sheıhy, Joǵary mártebeli ımam Ahmet Taıyp jamaǵatqa juma ýaǵyzyn aıtty.
Ál-Azhar sheıhy meshit jamaǵatyna birlik pen beıbitshiliktiń qadiri, Islam qundylyqtary, musylman úmbetiniń rýhanı tutastyǵy jaıly nasıhatyn jetkizdi.
«Islam – terrorızm dini emes. Ekeýi ot pen sý sekildi eki bólek uǵym. Asyl dinimiz álem halqyn beıbit ómir súrýge jáne aýyzbirshilikke úndeıdi. Dinniń dinnen, ulttyń ulttan, adamnyń adamnan artyqshylyǵy joq. Barlyǵy da – Allanyń quldary. Sondyqtan aınalańyzdaǵy adamdardy jaqsylyqqa, yntymaqqa, birlikke shaqyryńyzdar» dedi Joǵary mártebeli ımam Ahmet Taıyp.
Sondaı-aq ál-Azhar sheıhy qazaq dalasynan shyqqan oıshyl Ábý Nasyr ál-Farabı bastaǵan din ǵulamalary Islamdy álemge dáriptegenin, sol bilimniń sharapaty arab halqyna da tıgenin aıryqsha atap ótip, sol ilim ıeleriniń asyl eńbegi úshin qazaq halqyna alǵysyn bildirdi.
Ýaǵyzdan keıin QMDB Tóraǵasy, Bas múftı Naýryzbaı qajy Taǵanuly qazaqy qonaqjaılyqpen sheıh Ahmet Taıyptyń ıyǵyna shapan jaýyp, Islam dininiń dáriptelýine, dinı bilim men ǵylymnyń damýyna erekshe úles qosqan tulǵalarǵa beriletin Dinı basqarmanyń «Sharapat» medalimen marapattady.
Aıta keteıik, ál-Azhar sheıhynyń juma ýaǵyzyna 20 myńnan astam adam qatysty. Ýaǵyz Dinı basqarmanyń resmı YouTube kanalynan tikeleı Efırde kórsetildi.
Источник: Aidos
