«AL-FARABI»: MEShIT UJYMYNA DINI OŃALTÝ JUMYSTARYN KÚShEITÝGE BAǴYTTALǴAN JIYN ÓTTI (FOTO)
Astanadaǵy «Al-Farabi» meshitinde din qyzmetkerlerine jat aǵymnyń aldyn alý baǵytynda jıyn ótti.
Basqosýǵa QMDB Dinı ońaltý bóliminiń basshysy m.a. Danııar Kenjalın, «Áziret Sultan» meshitiniń ustazy, Dinı ońaltý bóliminiń Astana qalasy ókildigi boıynsha jaýapty mamany Raqymqazy Qabdysalym jáne meshit ımamdary men ustazdary qatysty.
Jıynda radıkaldy kózqarastaǵy azamattarmen jumys júrgizýdiń tájirıbeleri talqylanyp, olardy qoǵamǵa beıimdeý tásilderi men ımamdardyń ustanýǵa tıis Etıkalyq ustanymdary keńinen túsindirildi. Sonymen qatar dinı bilimmen birge elimizdiń zańnamasyn da jetik bilý qajettigi aıtyldy. Sebebi mundaı baǵyttaǵy qyzmet tek sharıǵı dáleldermen ǵana emes, quqyqtyq turǵydan da saýattylyqty talap etedi.
Danııar Kenjalın óz sózinde jat aǵym ıdeologııasynyń otbasylyq qundylyqtarǵa, jastar sanasyna jáne qoǵamdaǵy birlik pen turaqtylyqqa tıgizetin keri áserin atap ótti. Osyǵan baılanysty ımamdardyń jaýapkershiligi aıryqsha ekeni aıtyldy.
Semınardyń negizgi maqsaty – jat aǵymdardyń aldyn alý jumystaryn júıeli júrgizý, ońaltý qyzmetin kúsheıtý jáne qoǵamdaǵy dinı turaqtylyqqa úles qosý.
