«AL-FATTAH» MEShITI JANYNAN «AIBIKE» QYZ-KELINShEKTER KLÝBY AShYLDY (FOTO)

Astana qalasy Áıel-qyzdar sektorynyń uıymdastyrýymen Elordadaǵy «al-Fattah» meshiti janynan «Aıbıke» qyz-kelinshekter klýbynyń ashylý salatanaty ótti.

Quran aıattarymen shymyldyǵy ashylǵan ıgi sharaǵa «al-Fattah» meshitiniń bas ımamy Baǵdat Ábdikárimov jáne QMDB Áıel-qyzdar sektorynyń meńgerýshisi Dınara Qutqojaqyzy bastaǵan Astana ókildiginiń áıel ustazdary jáne jamaǵaty qatysty.

Klýbtyń maqsaty – qyz-kelinshekter arasynda ulttyq qundylyqtardy dáripteı otyryp, ımandylyqqa, ıbalylyqqa tárbıeleý, rýhanı damý, qoǵamǵa paıdaly bolýǵa shaqyrý, túrli sheberlik saǵattar, trenıng-semınarlar arqyly bilimdi arttyrý. Aıta ketsek, klýb ishinde ájelerge, analarǵa, jasóspirim qyzdarǵa arnalǵan arnaıy baǵyttar boıynsha jumystar atqarylady.

Qulshylyq úıiniń ashylǵanyna 1 jyl tolýyna oraı ótip jatqan rýhanı keshte klýb jetekshisi Zarına Shamıdollaqyzynyń bastamasymen meshitke janashyrlyq kórsetip, búkil qaıyrymdylyq sharalarynda (meshit tazylyǵy, senbilikter, qaıyrymdylyq jármeńkeleri, dárister jáne t.b. túrli mádenı sharalarda) belsendilik tanytyp júrgen shákirtter arasynda «Atlastourism» kompanııasymen birige otyryp, Umra qajylyǵyna sertıfıkat oınatyldy. Atalmysh syılyq arqyly shákirtter men jamaǵatty meshit ıgiligi úshin atqarylatyn sharalarǵa belsendi bolýǵa baýlý.