«ÁL-FATTAH» MEShITINE DIN QYZMETKERLERI QABYLDANDY (FOTO)
Jaqynda ǵana jamaǵatqa esigin aıqara ashqan Astana qalasyndaǵy «Ál-Fattah» meshiti búgin jańa qyzmetkerlermen tolyqty. Meshit bas ımamy Baǵdat Abdýkarımov juma namazyna jıylǵan jamaǵat aldynda Bas múftı buıryǵyn oqyp berip, «Ál-Fattah» meshitine bir naıb ımam jáne eki ustaz jumysqa qabyldanǵanyn jetkizdi.
Jańadan ashylǵan qulshylyq ordasynyń alǵashqy jyldardaǵy jumysy qıyndyqqa toly bolatynyn aıtyp ótken Baǵdat Abdýkarımov jańa qyzmetkerlerge úlken jaýapkershilik artylǵanyn jetkizip, qyzmetterine sáttilik tiledi.
Aıta keteıik, Hamzahonov Kópjan «Ál-Fattah» meshitiniń naıb ımamy qyzmetine taǵaıyndalsa, Hýsaınov Ashat jáne Dýlat Arnabaev ustazdyq qyzmetke kiristi.
Hamzahonov Kópjan 2014-2017 jyldary «Astana» medresesinde, 2019-2021 jyldary «Nur Múbarak» ýnıversıtetinde bilim alǵan. Bıylǵy jyldan bastap Astanadaǵy «Tólebaı» meshitinde ustaz qyzmetin atqaryp kelgen.
Hýsaınov Ashat Salımgeruly 2009-2012 jyldary Bishkek (Qyrǵyzstan) qalasyndaǵy «Abdýlla ıbn Masǵud» atyndaǵy medresesinde «ustaz» mamandyǵy boıynsha, 2012-2014 jyldary Karachı (Pákistan) qalasyndaǵy «Djámııa bın Norııa saıt» ýnıversıtetinde «Hadıs» mamandyǵy boıynsha, 2014-2015 jyldary Pákistan Respýblıkasy «Djamııa Hýlıafa Roshaddın» ýnıversıtetinde «Fıqh jáne pátýa» mamandyǵy boıynsha bilim alǵan. 2013-2014 jyldary «Djámııa bın Norııa saıt» ýnıversıtetinde, 2016-2020 jyldary Astana qalasyndaǵy «Ál-Ǵanı» meshitinde, 2020-2023 jyldary «Ás-Sálám» meshitinde ustaz bolyp qyzmet atqarǵan.
Arnabaev Dýlat Úsenuly 2018-2021 jyldary «Astana» medresesinde bilim alǵan. 2022 jyldan bastap Kókshetaý qalasyndaǵy Sh.Ýálıhanov atyndaǵy ýnıversıtette dintaný mamandyǵy boıynsha bilim alýda. 2021 jyldan bastap Astrahan aýdandyq meshitinde naıb ımam jáne ustazdyq qyzmet atqarǵan.
