«ÁL-ǴANI» MEShITINDE ASTANALYQ ASABALARǴA SEMINAR UIYMDASTYRYLDY (FOTO)

QMDB Astana qalasy ókildigine qarasty «Ál-Ǵanı» meshitinde «Asaba bolý – óz isiń, ádepti bolý – boryshyń» taqyrybynda semınar jumysy uıymdastyryldy. Igi sharaǵa Astana qalasynyń asaba azamattary men meshit jamaǵaty qatysyp, toı-tomalaq, qudaıy as sekildi dastarhan basyndaǵy otyrystardyń mádenıeti men ádebine qanyǵyp qaıtty.

Qatysýshylarǵa «Ál-Ǵanı» meshitiniń naıb ımamy Ǵazız Ahmetov atalmysh taqyryp aıasynda nasıhat aıtyp, kópshilik ortada sóz tizginin ustaǵan janǵa qoıylar talaptar men ádep-qulyq sharttaryn túsindirdi. Sondaı-aq, ázil-qaljyńǵa da qatysty sharıǵat sharttaryn eskertip, «kúldirem dep búldirip almaý» jaıynda kerekti keńestermen bólisti.