Álemdegi mıgranttar sany 272 mln-ǵa jetip otyr

Birikken ulttar uıymynyń (BUU) Ekonomıkalyq jáne áleýmettik máseleler jónindegi departamentiniń derekterine súıensek, qazirgi tańda álemdegi mıgranttar sany 272 mln-ǵa jetken kórinedi. Bul kórsetkish jer betindegi halyq sanynyń 3,5% paıyzyn qurap otyr. Aıta keteıik, tek bıylǵy jyldyń ózinde mıgrant qataryna 51 mln jan qosylǵan eken.

Keltirilgen derekter boıynsha, mıgranttardyń basym kópshiligi (82 mln) Eýropa elderine qonystanǵan. Al, Soltústik Amerıkada 59 mln mıgrant ómir súretin kórinedi. Sondaı-aq, Soltústik Afrıka men Batys Azııa elderinde 29 mln jan ómir súrip jatyr.