ÁLEMDIK JÁNE DÁSTÚRLI DINDER KÓShBASShYLARYNYŃ VII SEZI AIaQTALDY (FOTO)
Búgin elordadaǵy Táýelsizdik saraıynda Álemdik jáne dástúrli dinder kóshbasshylarynyń VII seziniń jabylý rásimi ótti. Aıtýly sharaǵa Qazaqstan Prezıdenti Qasym-Jomart Toqaev qatysyp, sóz sóıledi.
Memleket basshysy eki kúnge sozylǵan sezd jumysyn qorytyndylap, qazaq jerin mádenıetterdiń syndarly suhbat ortalyǵyna aınaldyrǵan dúnıejúziniń bedeldi dinbasylaryna alǵys aıtty.
«Sezde kóptegen salmaqty oı, salıqaly pikir aıtyldy. Onyń bári bizdiń úılesimdi álem qurý jolyndaǵy is-áreketimizge oń yqpalyn tıgizedi dep sanaımyn. Bizdiń bastamamyzǵa qoldaý kórsetip, Sezge arnaıy kelgen dinı kóshbasshylarǵa, saıasatkerler men halyqaralyq uıym ókilderine alǵys aıtamyn. Sondaı-aq forýmdy ótkizýge belsene atsalysqan dıplomattarǵa, volonterlerge, jýrnalıster men basqa da azamattarǵa rızashylyǵymdy bildiremin», – dedi Qasym-Jomart Toqaev.
Sezdiń jabylý rásiminde Vatıkan men Katolık shirkeýiniń basshysy Rım papasy Frantsısk, ál-Azhar sheıhy, Joǵary mártebeli ımam Ahmet Taıyp, Máskeý Patrıarhaty Syrtqy shirkeý baılanystary bóliminiń tóraǵasy Volokolamsk mıtropolıti Antonıı, Saýd Arabııasy koroldiginiń Islam isteri, ýaǵyz jáne nasıhat jónindegi mınıstri sheıh Abdýllatıf ben Abdýlazız ash-Sheıh, Izraıldiń Bas ashkenaz ravvıni Davıd Laý, sondaı-aq Álemdik jáne dástúrli dinder kóshbasshylary sezi Hatshylyǵynyń basshysy – Qazaqstan Respýblıkasy Parlament Senatynyń tóraǵasy Máýlen Áshimbaev sóz sóıledi.
Alqaly jıynda Álemdik jáne dástúrli dinder kóshbasshylarynyń VII seziniń qorytyndy deklaratsııasy qabyldandy.
