ALǴYS AITÝ KÚNINE ORAI QARTTARǴA QURMET KÓRSETILDI (FOTO)

Qasıetti juma kúnine tuspa-tus kelgen 1 naýryz - Alǵys aıtý kúnine oraı QMDB Astana qalasy ókildigine qarasty «Sádýaqas qajy Ǵylmanı» meshitiniń uıymdastyrýymen meshittiń aqsaqaldary men aq jaýlyqty analaryna qurmet kórsetip, syı-syıapat jasaldy.

QMDB «Zeket jáne qaıyrymdylyq» qorynyń Astana qalasy boıynsha jaýapty ókili Nurbol Orazbaı men «Sádýaqas qajy Ǵylmanı» meshitiniń bas ımamy Rýslan Naqypbekuly qulshylyq úıiniń «kógershinderi» bolyp júrgen qarııalarǵa úlken alǵysy men ystyq lebizderin bildire otyryp, Quran Kárim salynǵan syılyq qorapshalaryn tartý etti. Qarttar qaýymy da óz kezeginde rızashylyqtaryn aıtyp, aq batasyn berip jatty.

Источник: Aidos