Almaty: «Alǵabas» meshitiniń jańa ǵımaraty boı kóterdi (FOTO)
Almaty qalasy Alataý aýdanyna qarasty «Alǵabas» meshitiniń bir ýaqytta 1200-den astam adam namaz oqı alatyn jańa ǵımaraty boı kóterip, saltanatty ashylý rásimi bolyp ótti.
Ashylý rásimine QMDB-nyń birinshi tóraǵa orynbasary, naıb múftı Naýryzbaı qajy Taǵanuly, «Salıqaly urpaq» qoǵamdyq qorynyń dırektory Qasabekov Qasym, Almaty qalasy qoǵamdyq damý basqarmasy basshysynyń orynbasary Aıdar Esenbekov jáne Almaty Ortalyq meshitiniń bas ımamy Erkinbek qarı Shoqaı qatysty.
Meshit Bolat Nazarbaevtyń qoldaýymen ashylǵan «Salıqaly urpaq» qoǵamdyq qorynyń demeýshiligimen salyndy.
Eń aldymen, naıb múftı dástúrge saı Almaty qalasynyń ókil ımamy Erkinbek qarı Kerimbekuly oqyǵan Quranǵa bata jasap, Alla úıiniń ashylý toıyna júrekjardy lebizin bildirip, quttyqtaý sóz sóıledi.
Naıb múftı óz sózinde meshit salýdyń saýaby men onyń qoǵamǵa tıgizer paıdasyn aıtyp, Alla úıiniń boı kóterýine tikeleı septigi tıgen Bolat Nazarbaev pen «Salıqaly urpaq» qoǵamdyq qoryna úlken alǵys bildirdi. Sonymen qatar, Alǵabas meshitiń bas ımamy Sáken Amangeldiulyna QMDB atynan alǵys hat pen syılyq tabystady.
Almaty qalasy qoǵamdyq damý basqarmasy basshysynyń orynbasary Aıdar Esenbekov qala kórkine kórik syılaıtyn qulshylyq oryndarynyń kóptep salynýy – qoǵamnyń turaqtylyǵy men adamdardyń rýhanı damýyna, dinı saýatyn attyrýǵa paıdasy mol ekenin jetkizdi. «Salıqaly urpaq» qoǵamdyq qorynyń dırektory Qasym Qasabekov myrza da el qýanyshyna ortaqtasyp, qutty bolsyn aıtty.
Sosyn jańa meshittiń lentasy qıylyp, shashý shashyldy. Jamaǵat ishke kirip, eki bas sálem namazdaryn sálem namazdaryn ótedi. Naıb múftı jınalǵan jamaǵatqa Juma ýaǵyzyn aıtty. Sóıtip búgin jańa meshitte alǵashqy Juma namazy oqyldy.
Meshit týraly aqparat:
2018 jyldyń 1 qańtarynda bastaý alǵan meshit qurylysy 1 jyl 9 aıdyń ishinde aıaqtaldy. Meshit eki qabattan turady: munda dárishanalar, áıelder namazhanasy jáne syrtta da ishte de dáret alatyn bólmeler bar. Meshittiń kúmbezderi 18 metr. Aınalasy kógaldandyrylǵan. Turǵyndarǵa saýat ashý kýrstary qarastyrylǵan.
Meshitte barlyǵy tórt adam – bas ımam, eki naıb ımam men bir ustaz qyzmet kórsetedi. Irgeli men Alǵabasta 17 myń halyq bolsa, bul sol halyqqa ortaq jalǵyz meshit.
