Almatyda «Ádemi áýezdi azanshy» V respýblıkalyq azanshylar baıqaýy bastaldy (FOTO)

Almatydaǵy Ortalyq meshitte «ÁDEMI ÁÝEZDI AZANShY» V respýblıkalyq azanshylar baıqaýy bastaldy.

Qazaqstan musylmandary dinı basqarmasy 2009 jyldan beri respýblıkalyq azanshylar baıqaýyn ótkizip keledi. Eki jyl pandemııa úzilisinen soń bıyl qaıta qolǵa alynyp otyr.

Baıqaýǵa naıb múftı Kenjeáli qajy Qońyratbaıuly, Almaty qalasynyń bas ımamy Tólebı Ospan, ánshi Sáken Maıǵazıev, «Báıken» meshitiniń bas ımamy Danııar Jumabaev jáne Nur-Múbarak ýnıversıtetiniń ustazy Danııar Abdýsamat qazylyq jasap, ádemi áýezdi azanshyny anyqtaıdy. Qazirgi ýaqytta baıqaýǵa qatysýshylar baq synap jatyr. Báıge qorytyndysy erteń belgili bolady.

Aıta keteıik, azan – ıisi musylman balasyn bes ýaqyt namazǵa shaqyratyn dinı amal. Azannyń shyǵý tarıhy men dinimizde alar orny orasan.