Almatyda «Eldigimiz – birlikte» taqyrybynda dóńgelek ústel ótti (FOTO)
Búgin Almatydaǵy Ulttyq kitaphanada QR Prezıdenti Qasym-Jomart Toqaevtyń 11 qańtardaǵy «Qasiretti qańtar» sabaǵy: qoǵam tutastyǵy – Táýelsizdik kepili» atty Úndeýine arnalǵan «Eldigimiz – birlikte» taqyrybynda dóńgelek ústel ótti.
Is-sharaǵa QMDB Tóraǵasynyń orynbasary, naıb múftı Kenjeáli Qońyratbaıuly, Almaty qalasynyń bas ımamy Tólebı Dádiluly jáne qoǵam qaıratkerleri, shyǵarmashylyq ókilderi, Ulttyq kitaphana qyzmetkerleri, BAQ ókilderi qatysty.
Aldymen naıb múftı Kenjeáli Qońyratbaıuly QMDB Tóraǵasy Naýryzbaı qajy Taǵanulynyń sálemin jetkize kele, el tynyshtyǵy men turaqtylyǵyn saqtaý jolyna arnalǵan múftııat bastamalaryna toqtaldy.
«QMDB 2022 jyldy «Islam – yntymaq jáne birlik dini» dep jarııalady. El tynyshtyǵy men birligin saqtaýda Dinı basqarma birqatar sharalardy qolǵa aldy. Eldegi tótenshe jaǵdaı kezinde Bas múftı bastamasymen din qyzmetkerleri qaıyrymdylyq sharalaryn atqardy», – atap ótti naıb múftı.
